“Vasinasaun mak estratéjia ikus atu kombate Covid-19 e ida ne'e ita-nia primeiru Ministru mós repete beibeik, tanba ne'e Governu sei nafatin enkoraza sidadun sira hotu atu simu vasinasaun”, dehan Mericio iha Plenária Parlamentu Nasionál, tersa (17/08).
Dadaun ne’e, parseiru sira husi Japaun no Austrália kontinua fó apoiu vasina AstraZeneca no UNICEF mós sei fasilita vasina tipu Pfizer atubele atribui ba sidadaun ho tinan 12 to’o 17.
Tanba Governu iha planu atu normaliza situasaun, wainhira taxa vasinasaun atinje ona porsentu 70 iha fulan-setembru no outubru tinan 2021.
Maibé deklarasaun husi Governu no Ministra Saúde kona-ba movimentasaun livre husi sidadaun ne’ebé simu ona vasina dala rua ne’ebé bazeia ba desizaun Konsellu Ministru hanesan desizaun ás liu hotu
Ho ida ne’e, sidadaun ne’ebé simu vasina dala rua livre atu asesu ba fatin hotu sein halo Swab test, maibé iha kazu espesífiku ne’ebé sai hanesan razaun ba Ministériu Saúde atu kontinua aplika swab test wainhira nesesáriu. (*)
