“Liuhusi vasina ida ne'e, atu hodi hasa’e ita-nia imunidade, hodi proteje ita-nia isin, ita-nia saúde, proteje mós ita-nia família sira e enjeral proteje mós ita-nia komunidade sira tomak”, dehan Lú Olo iha palásiu prezidensiál Bairopite, sesta (23/07)

Tanba moras corona oho ona ema barak iha mundu, inklui Timor-Leste ne'ebé rejista ema na'in-26 mate ona ba Covid ho razaun ida ne'e bele lori povu atu ba seguransa saúde nian, seguransa atu hetan imunidade di'ak liután ba sira-nia saúde no ba sira-nia família.

“Liuhusi vasina segundu doze ida ne'e hodi bele fó mós ba ita-nia povu tomak, atu sira hothotu bele ba simu vasina iha periodu ida ne'e”, informa nia.

Iha fatin hanesan, Diretora Jerál Ministériu Saúde (MS), Odete da Silva Viegas informa, vasina mak meus ida ne'ebé atu proteje-an, familia, komunidade no nasaun husi moras Covid-19.

“Ohin eventu importante ida katak, ita-nia nai Prezidente hetan ona vasina segunda doze ba iha AstraZeneca tuir tempu ida ne'ebé determina iha kalendáriu, depois de hetan vasina primeira doze 8 semana pois prezidente ho nia espoza ohin simu segunda doze”, dehan nia.

Ho ida ne'e bele hatudu ezemplu ba nasaun no ema hothotu tenke partisipa iha badinas ne'e atubele proteje-an.

“Iha primeira faze hamutuk 200 itál pesoál ne'ebé mak hetan vasina ho esperansa katak ohin mós sira mai ho númeru ne'ebé hanesan”, deklara nia.

Entretantu persentajen iha nível nasionál ba populasaun ne'ebé hetan vasina iha primeira doze konsege atinje ona rihiun-333 populasaun no ba segunda doze purvolta rihun-50-resin.

Nune'e persentajen ne'ebé mak Timor-Leste ba primeira doze konsege atinje besik pursentu 35 no segundu doze kuaze pursentu 10 iha nível nasionál. (*)