Tempotimor (Díli)-Ministru Prezidénsia Konsellu Ministru (MPKM), Fidelis Leite Magalhães hatete, sidadaun Timor-Leste hamutuk 463.644, dadaun ne’e simu ona Vasinasaun doze dahuluk husi idade 18 ba leten.

Tempotimor (Dili)-Prezidente Repúblika (PR), Francisco Guterres 'Lú Olo', kompleta ona vasina AstraZeneca ba doze daruak, hodi preteje família husi pandemia Covid-19.

Tempotimor (Dili)-Prezidente Partidu Congresso Nacional de Reconstruçăo de Timor (CNRT), Kay Rala Xanana Gusmăo, iha kuarta (21/07), kompleta ona Vasina Sinovac doze daruak iha Klínika Maternidade Fatumeta, Dili.

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo fó sai deklarasaun hodi reforsa katak, sidadaun ne’ebé simu ona vasina doze daruak livre halo movimentu.

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, ofisiálmente lansa vasina doze daruak ba prevensaun surtu Covid-19 iha Munisípiu Aileu.

“Mai halo lansamentu iha Aileu kona-ba Vasinasaun Covid-19 ne'e, tanba vasinasaun ne'e importante atu prevene propagasaun virus mortal iha komunidade nia leet”, hatete Ministru Francisco Jerónimo iha Aileu, tersa(15/06).

Vasinasaun Covid-19 ne'e importante tebes tanba bele hasa'e imunidade komunidade nian, hodi prevene infesaun moras kontajioza, Nune'e komúnidade sira presiza simu vasinasaun refere.

Iha Momentu ne'e mós MAPKomS aproveita oportunidade hodi sensibiliza nafatin informasaun kona-ba importánsia husi prevensaun moras kontajioza ne'e liuhusi kooperasaun ho autoridade lokál, parte saúde no polísia Nasionál Timor-Leste (PNTL) munisípiu Aileu.

“Sensibilizasaun ne'e atu konsensializa no enkoraja komunidade atu simu vasinasaun hodi proteje-an husi vírus ne'ebé sai ona pandemia globál ne'e”, dehan Ministru Jerónimo.

Vasina segunda doze iha munisípiu Aileu ne'e, sei fó uluk prioridade ba ferik no katuas sira ho idade neennulu ba leten no sira ne'ebé iha moras komobilidade tanba parte hirak ne'e mak iha risku boot ba infesaun vírus Corona, maibé vasinasaun tuir mai sei fó ba ema hotu.

Iha fatin hanesan, Administradór Munisípiu Aileu, Abel da Conseição, apresia no agradese MAPKomS tanba hakat to'o iha sira nia fatin hodi fahe informasaun kona-ba prevensaun Covid-19 no lansa ona vasinasaun doze daruak.

“Agradese no orgullu tebes tanba bele marka ona prezensa iha ami-nia fatin hodi espalla ona informasaun balun kona-ba vasinasaun Covid-19 ba komunidade sira iha Munisípiu Aileu inklui lansa ona vasinasaun refere”, dehan Administradór Aileu. (*)