“Atu kombate falsifikasaun dokumentu komprovativu sira vasinasaun kompleta nian, Governu haruka ona Ministra Saúde hodi aprova modelu ofisiál ida husi dokumentu komprovativu vasinasaun nian”, hatete Ministru Prezidénsia Konsellu Ministrus, Fidelis Leite Magalhães, iha Palásiu Governu, kinta (01/07).
Tanba regra sira seluk mantein nafatin liliu obriga sidadaun sira hotu ne’ebé hela iha Timor-Leste atu mantein distánsia pelumenus metru ida ho ema seluk ne’ebé la hela iha ekonomia komun.
Iha ne’e kontinua obriga atu utiliza máskara oin nian ne’ebé taka inus no ibun bainhira hakarak tama ka hela iha fatin públiku ka privadu hirak ne’ebé ema hotu uza no fase liman bainhira hakarak tama ba estabelesimentu komersiál sira, industriál ka prestasaun servisu nian ka ba edifísiu sira iha ne’ebé servisu administrasaun públika nian funsiona.
“Iha obrigasaun mós atu evita formasaun halibur-malu, iha dalan públiku”, deklara nia. (*)