“Kazu detetatu foun 56 (iha Dili 36, munisípiu seluk hamutuk 20) ne'ebé kompostu husi mane 30, feto 26 no mate na'in-1 tanba Covid-19, feto ho idade tinan 70, Timoroan, hela iha Vikeké Vila”, dehan Rui liuhusi komunikadu imprensa, kinta (01/06).
Husi totál kazu detetadu foun ho idade tinan 12 na'in-1, ho idade entre tinan 12-59 na'in-55 (98,2%), 21,4 % mak sintomátiku (hatudu sintomas), kazu rekuperadu 65, totál kazu ativu 829 no kazu konfirmadu kumulativu iha loron 1 fulan-jullu tinan 2021 (sura husi 21 Marsu 2020) hamutuk 9278.
“Rezultadu óbitu ne’ebé relata ohin (01/07), na'in-1 (ida), diagnostikadu sindroma insufisiénsia respiratória aguda (SIRA), tanba Covid-19 (Cycle Thresehold N2gene 29,9, Egene 27,4) e Munisípiu Vikeké”, dehan Rui.
Nune'e, iha loron 26 fulan-juñu, transfere ho aéro-ambulánsia ba Vera Cruz, matebian hetan tratamentu ba SIRA, tuir protokolu ne’ebé iha maibé iha loron 30 fulan-Juñu 19H25, matebian iis-kotu.
Enkuantu, família kordena ona ho ekipa saúde atu hala’o funerál tuir protokolu ne’ebé adopta iha Timor-Leste (TL).
Hahú husi loron 30 to’o 1 fulan-jullu, hamutuk hotu Laboratóriu Nasionál Saúde (LNS) halo 666 testes PCR iha Dili, ho detalla hanesan, vijilánsia sentinela 0, rastreiu ba kontaktu (contact tracing) 19, rastreiu aleatóriu (random screening) 44, viajen sai husi serka sanitária Munisipiu Dili 566, viajen internasionál 4 no follow up iha kuarentena 33.
Entretantu, testes PCR ne’ebé halo iha loron 30 fulan-juñu iha Munisípiu sira seluk, REAOA ho HNGV, hamutuk 428, detalla hanesan, Baukau 111, Ermera 90, Maliana 31, Maubisse 63, RAEOA 36, Suai 24, Vikeké 12 no HNGV 61. (*)
