Kazu Ativu Covid-19 iha TL Tun ona ba 440, Mate Na'in-1

Covid-19 Timor-Leste. Covid-19 Timor-Leste. Foto Suplay

Tempotimor (Dili)-Sentru Integradu Jestaun ba Krize (SIJK) rejista kazu konfirmadu kumulativu Iha Timor-Leste (TL) husi loron 5 fulan-outubru tinan 2021 sura husi loron 21 Marsu 2020 hamutuk 19.609 no kazu ativu tun ba 440, mate na'in-1.

"Kazu ativu ohin, 5 Outubru 2021 hamutuk 440 no mate na'in-1 iha izolamentu Lahane”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, tersa (05/10)

Enkuantu kazu detetatu foun 17 (iha Dili 10 ho munisípiu seluk hamutuk 7), mane 7, feto 10, ho idade 20 na'in-2, ho idade entre 12-59 na'in-13, ho idade 60 na'in-2, no kazu rekuperadu 125.

Nune'e óbitu ne’ebé relata na'in-1 (ida), matebian mane ho idade 73, hela iha Manatuto, seidauk vasina, iha 17 Setembru 2021, diagnóstikadu sindroma insufisiénsia respiratória aguda (SIRA) tanba Covid-19 no iha loron ne’e kedas hala’o tratamentu iha    Lahane.

Matebian iha mós problema diabete    ho ipertensaun no hin dader 11h40 matebian iis-kotu. Família kolabora ho ekipa saúde,    hodi hala’o funeral tuir protokolubne’ebébadopta iha Timor-Leste.

Hahú Husi loron 04 to’o 05 outubru, hamutuk hotu Laboratóriu Nasionál Saúde (LNS) halo 140 testes PCR iha Dili, ho detalles hanesan Vijilánsia sentinela 1, Rastreiu ba kontaktu (Contact tracing) 0, Rastreiu Aleatóriu (Random Screening) 61, Viajen internasionál 60 no Folow up iha kuarentena 18.   

Rezultadu teste PCR ne’ebé halo iha loron 04 outubru, munisípiu sira seluk REAOA ho HNGV, hamutuk 276, ho detalla  hanesan Baukau 53, Ermera 5, Bobonaro-Maliana 27, Ainaro-Maubisse 4, RAEOA 51, Covalima-Suai 15, Vikeké 10, Lautein-Lospalos 31 no HNGV 80. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter