Login to your account

Username *
Password *
Remember Me

BIOCENTIS Sei Haruka Médiku Espesialista Na'in-3 Apoiu MS

Chief Executive Officer kompañia Biocentis, Giorgio Rocca ho nia kometiva, enkontru hela ho Prezidente Repúblika, José Ramos Horta, iha palásiu Prezidensial Bairo-Pite, tersa (04/10). Chief Executive Officer kompañia Biocentis, Giorgio Rocca ho nia kometiva, enkontru hela ho Prezidente Repúblika, José Ramos Horta, iha palásiu Prezidensial Bairo-Pite, tersa (04/10). Foto Suplay

Tempotimor (Dili)-Kompañia Biocentis hosi Imperial College United Kingdom, sei haruka médiku espesialista na’in-3 atu apoiu Ministériu Saúde (MS) hodi kombate moras dengue iha Timor-Leste.

Tanba ne’e, Chief Executive Officer hosi kompañia Biocentis, Giorgio Rocca ho nia kometiva, iha loron tersa (04/10) hala’o enkontru ona ho Prezidente Repúblika, José Ramos-Horta, hodi manifesta sira-nia prontidaun kona-bá atu apoiu Governu iha área saúde nian.

Chief Executive Officer hosi kompañia Biocentis, Giorgio Rocca hatete, kona-bá profissionál saúde hirak ne’e, sei lori ba hasoru ministériu saúde no reprezentante Organizasaun Mundiál Saúde (OMS) hodi deskuti.

“Depois de enkontru, sira sei haree uluk lai ita-nia governu nia kapasidade, atu ita bele atende moras dengue ne’e, depois sira-nia ekipa sei diskuti, rona hosi ita-nia parseiru WHO, Kruz Vermella ne’ebé durante ne’e ajuda governu halo atendimentu ba kombate dengue, sira sei rona uluk, depois saida mak sira bele halo,” dehan Giorgio iha palásiu Prezidensial Bairo-Pite, tersa (03/10).

Nune’e, Head of Strategy, Federico Guelpa mós esklarese, sientísta hosi kompañia Biocentis husi Reinu Unidu ne'e hakarak atu utiliza sira-nia ekipamentu moderna ne’ebé bele redús “mosquito” liu-liu “aedes aegypti” ne’ebé bele hamosu dengue.

“Ne’e mak ami mai atu introdús ba señór Prezidente, depois sei ba hasoru Ministériu Saúde, possibilidade sira bele kolleta dadus hosi ita-nia governu depois mak ami bele uza ami-nia teknolojia iha ne’e ga la’e,” tenik nia

Ho ida-ne'e Xefe Estadu, José Ramos-Horta mós husu médiku Biocentis sira atu servisu hamutuk ho ministériu saúde ho OMS atu implementa teknolojia foun hosi kompañia Biocentis ne’e hodi kontribui ba redusaun moras dengue iha Timor-Leste. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter