Matebian ne’e durante hela iha Suku Ritabou, Postu Administrativu Maliana, Munisípiu Bobonaro.

“Totál óbitu ne’ebé relata ohin, 24 fulan-Juñu 2021 na'in-1 (ida), Mane ho idade 57, Timoroan, hela iha suku Ritabou, Maliana mate tanba Covid-19”, dehan Rui liuhusi komunikadu imprensa, kinta (24/06).

Iha loron 15 fulan-Juñu enkamiña husi ospitál referénsia  Maliana  ho dignoze traballu sindroma insufisiénsiabrespiratória aguda (SIRA), ka susar/difisil atu dada-i’is, tanba Covid-19 (rezultadu PCR pozitivu ho CT-cycle treshold-geneE 13,3, gene N2 15,3).

"Matebian iha istória tuberkuloze pulmonar ho asma, mear, isin manas ho iis-boot iha uma durante loron tolu molok ba konsulta iha Maliana”, informa nia.

Nune'e, iha fatin izolamentu Vera Cruz ekipa médika halo re-avaliasaun ba dignóstiku no to’o iha konkluzaun katak, matebian iha Pneumonia tanba SARS-CoV-2 (Covid-19).   

Matebian hetan tratamentu tuir protokolu ne’ebé iha, inklui tratamentu ho oksijéniu, liuhusi ventilasaun mekanika maibé iha loron 23 fulan-juñu kalan tuku 11h20 iis-kotu tanba septic shock, respiratoric failure ho multiple organ failure.

Tanba ne’e, família kordena ona ho ekipa saúde atu hala’o funeral tuir protokolu ne’ebé adopta iha Timor-Leste, aban loron 25 Juñu iha Maliana.

Entretantu kazu óbitu    iha Timor-Leste hamutuk 20, ne'ebé kompostu husi munisípiu Bobonaro 3, Dili 16, Likisá 1 inklui sidadaun Xineza 1. (*)