“Kazu detetatu foun ne'ebé relata 46 (iha Dili 29, iha munisípiu seluk hamutuk 17), mane 32, feto 14 nia kazu rekuperadu 131", deklara Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, kinta (24/06).
Husi totál kazu detetadu foun ho idade entre tinan 12-59 na'in-45 (97,8%), ho idade 60 na'in-1 no pursentu 4,3 % sintomátiku.
"Totál kazu ativu 900, kazu konfirmadu kumulativu iha 24 fulan-Juñu 2021 (sura husi 21 Marsu 2020) 8889”, haktuir Rui.
Husi loron 23 to’o 25 fulan-Juñu, hamutuk hotu Laboratóriu Nasionál Saúde (LNS) halo 770 testes PCR iha Dili, ho detalles hanesan, vijilánsia sentinela 2, rastreiu ba kontaktu (contact tracing) 9, rastreiu aleatóriu (random screening) 69, viajen sai husi serka sanitária munisípiu Dili 638, viajen internasionál 4 no follow up iha kuarentena 48.
Rezultadu testes PCR ne’ebé halo iha loron 23 fulan-Juñu iha munisípiu sira seluk, REAOA ho HNGV, hamutuk 261, ho detalle hanesan Baukau 76, Ermera 68, Maliana 14, Maubisse 46, RAEOA 9, Suai 26, Vikeké 15 no HNGV 8. (*)
