Sidadaun Rekuperadu Covid-19, Sai Husi SS La Presiza Teste Swab

Pesoal Saude ida halo hela teste Swab ba komunidade. Pesoal Saude ida halo hela teste Swab ba komunidade. Foto Tempo Timor

Tempotimor (Dili)-Koordenadór Forsa Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, hahú husi loron 2 fulan-juñu tinan 2021, sidadaun ne'ebé rekuperadu husi moras Covid-19 hakarak sai husi serka sanitária (SS) la presiza teste swab.

"Ema ne’ebé rekuperadu ona husi moras Covid-19 ou liu ona husi izolamentu terapéutiku domisiliáriu (iha uma-rasik) ka iha fatin ne’ebé estadu prepara, wainhira atu desloka sai husi no tama ba serka sanitária, la presiza halo swab", dehan Rui liuhusi komunikadu imprensa, kinta (03/06).

Maibé presiza hetan autorizasaun esepsionál husi Diretór Sentru Integradu Jestaun Kriji (SIJK) atubele prosesa autorizasaun esepsionál tenke hatudu Sertifikadu alta husi izolamentu, ne’ebé Ministériu Saúde, liuhusi ninia Pilar 7 fó ba ema rekuperadu.  

Entretantu Kazu detetatu foun ne’ebé relata iha loron 3 fulan-juñu tinan 2021 hamutuk 112 (iha Dili 107, iha Munisípiu seluk 5) mane 74, feto 38, ho idade tinan 12 na'in-4, ho idade entre tinan 12-59 na'in-106 (94,6%) no idade 60 na'in-2.

Proporsaun kazu sintomátiku hamutuk 3,5%, azu rekuperadu 134, kazu ativu 2580, totál kazu konfirmadu kumulativu iha 3 fulan-juñu 2021 (sura husi 21 Marsu 2020) 7422. 

Husi loron 2 to’o 3 fulan-juñu,hamutuk hotu Laboratóriu Nasionál Saúde (LNS) halo 1257 testes PCR iha Dili, ho detalla hanesan, vijilánsia sentinela 36, Rastreiu ba kontaktu (contact tracing) 48, rastreiu aleatóriu (random screening) 140, viajen sai husi serka sanitária munisípiu Dili 780, viajen internasionál 153 no  follow up iha kuarentena 100.

Totál testes PCR ne’ebé halo ihaloron 2 fulan-juñu iha munisípiu sira seluk REAOA ho HNGV, hamutuk 571 ho detalle hanesan Baukau 110, Ermera 102, Maliana 61, Maubisse 142, RAEOA 2, Suai 39, Vikeké 19 no HNGV 96. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter