Traballadór ne’e tuir planu aranka ba Korea iha loron 30 fulan-marsu tinan 2021 ho aviaun Citilink, bainhira repartida timoroan sira husi hamutuk 163 husi nasaun Inglaterra, Cuba, Izrael no Portugal.
Timoroan ne’e la konsege halo viajen hamutuk ho traballadór 51 ne’ebé preparadu hela halo viajen ba Korea Sul hodi kontinua servisu, tanba kompaña husi nasaun refere mak presiza.
Tuir ajenda viajen husi voo Citilink ne’ebé sei tula timoroan hamutuk 169, ne’ebé na’in 51 ba Korea Sul no na’in 118 ba Inglaterra no Irlanda.
Bainhira traballadór ne’e preparadu ona hodi halo viajen, maske iha loron 29 fulan-marsu 2021, ekipa konjunta fó sai nia rejultadu pozitivu Covid-19 ba teste swab ne’ebé halo loron hirak liuba lihusi Laboratóriu Nasional Saúde (LNS), maibé iha loron 30 fulan-marsu kontinua halo viajen ba Aeroporto Prezidente Nicolau Lobato Komoro hodi halo viajen.
Timoroan ne'e nu'udár traballór renetry, atu ba servisu iha nasaun Korea Sul ba dala-rua ona, maibé to'o iha Aeroportu ajénsia sira haruka nia tuur ketak, tanba detetadu pozitivu Covid-19.
Tuir observasaun www.tempotimor.com iha terrenu nota k, traballadór ne'e to'o iha Aeroportu Internasional Nicolau Lobato dezde tuku 6:08 dadeer san, maibé hafoin iha tuku 10:17 mak ekipa médiku sira ho Ambulánsia transporta ba izolamentu iha Otél Horizonte.(*)
