Login to your account

Username *
Password *
Remember Me

Ekipa Saúde Sertifika Sidadaun Livre Husi Izolamentu

Koordenaór Forsa-Tarefa Prevensaun no Mitigasaun Surtu Covid-19 iha Timor-Leste, Rui Maria de Aráujo Koordenaór Forsa-Tarefa Prevensaun no Mitigasaun Surtu Covid-19 iha Timor-Leste, Rui Maria de Aráujo Foto Arkivu

Tempotimor (Dili) - Koordenaór Forsa-Tarefa Prevensaun no Mitigasaun Surtu Covid-19 iha Timor-Leste, Rui Maria de Aráujo hatete, ekipa saúde sertifika sidadaun sira ne’ebé livre ona husi fatin inzolamentu.

Ekipa konjuntu ba prevensaun no mitigasaun surtu Covid-19 fó parabéns ba sira-nia sacrifisiu durante iha sala izolamentu hafoin rekoopera.

“Ba sira ne’ebé rekuperadu ona, parabéns ba imi nia sakrifisiu. Aproveita apela ba komunidade iha fatin ne’ebé maluk sira rekuperadu sira hela bá, favor labele tauk, tamba sira ne’ebé sai husi fatin izolamentu, ekipa saúde sira sertifika ona katak sira la iha ona risku atu hada’et-tutan virus ba ema seluk”, dehan Rui liuhusi Zoom Conference, domingu (28/03).

Rui mós hodi CIGC-SS, nomós ema hotu ne’ebé servisu iha liña de frente agradese ba sidadaun sira ne’ebé durante ne’e kolabora ba fatin izolamentu hodi bele prevene Covid-19 hada’et ba ema seluk ne’ebé seidauk infetadu.

“Hakarak agradese ema hotu ne’ebé detetadu pozitivu, hafoin kolabora di’ak-tebes ho ekipa konjunta saúde, aseita ba izolamentu iha fatin ne’ebé Estadu determina, atu hase’es-an husi ema ne’ebé seiduak hetan da’et virus ne’e, hodi nune’e ita hotu bele prevene, virus ne’e la da’et- belar liután iha cluster sira ne’ebé durante semana rua ikus ne’e la ativu ona”, agradese Rui.

Hakarak mós informa ba públiku katak sei nafatin iha ema ne’ebé, la fiar, lakohi fiar, rezultadu PCR pozitivu, insisti atu instituisaun Estadu nian halo tuir sira nia hakarak, no la kohi kolabora ho autoridade sira atu ba iha fatin izolamentu ne’ebé Estadu determina.

“Ita respeita ema ida-idak nia direitu atu lakohi rekoñese katak nia iha problema, maibé sidadaun sira hotu mós iha dever atu proteje ema seluk nia saúde, no iha obrigasaun atu kolabora ho Estadu, wainhira mosu situasaun risku ba ema barak nia saúde, nomós obrigasaun atu respeita sakrifisiu ne’ebé ema atus-ba-atus halo atubele prevene no mitiga surtu Covid-19 ida ne’e, hodi labele afeta ba ema barak liután”, afirma. (*)

Rate this item
(0 votes)
Last modified on Tuesday, 28 June 2022 15:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter