Kompaña La Fó Hahán Bá Ema 21 Iha Kuarentina Ótel Horizonte

Ema sira ne'ebe iha Kuarentena laran iha Hotel Novo Horizonte, Sabadu (13/3) Ema sira ne'ebe iha Kuarentena laran iha Hotel Novo Horizonte, Sabadu (13/3) Foto Suplai

Tempotimor (Dili) - Kompaña ne'ebé responsabiliza hahán ba sidadaun sira iha karantina la oferese hahán no bee bá ema na'in-21, iha kuarentina ótel Novo Horizonte-Metiaut.

Sidadaun hirak ne’e tama kuarentina iha loron sábadu (13/03), bainhira pesoál saúde evakua husi hela fatin bá kuarentina refere.

Tuir fonte ne’ebé kuarentina iha hela ótel hatete, sira lamenta tebes ho situasaun ne’e tanba sira ho família na'in-21, inklui labarik ki'ikoan balun, hahú kedan husi tuku 20:00 to'o tuku 00:00 oras Timor-Leste, maibé seidauk hán.

"Ohin ami mai husi Bekora tuku 8 ho balun to'o agora tuku 11:30 ona, ami la hán, hahán laiha, ami hamutuk na'in-21, inklui labarik ki'ikoan na'in-5, ida ki'ikoan liu foin fulan-8 to'o agora sidauk hán, sira kontaktu fali bá ami-nia família sira iha laran dehan mai tarde ne'ebé kompaña ida tein hahán ne'e la tein ida, ne'ebé agora kalan bele tahan, aban mak foin hetan hahán”, informa fonte ne’ebé lakohi publika naran ba www.empotimor.com via telefone, sábdu (13/03).

Sidadaun na'in-21 ne'e, tama kuarentina tanba deskonfia halo kontaktu ho xefi família ne'ebé komfirmadu moras Covid-19.

"Ami mai kuarentina ne'e tanba ohin derepenti ba dehan, katuas pozitivu, entaun sira hotu halo tiha teste SWAB ba ami, depois sira tula tiha katuas ba iha tuku 5 hanesan ne'e, tuku 8 sira bá foti ami mai iha ne'e, dehan katuas pozitivu tanba katuas halo kontaktu besik ho médiku ida pozitivu iha HNGV (Hospitál Nasionál Guidu Valadares) ne'e”, esplika nia

Ba sidadaun ne’ebé hela karantina wainhira la hán bele hafraku kondisaun saúde no espasu ba virus Covid-19 atu hada'et lalais, tanba hamlaha forsa fíziku mós menus hafraku imunidade.

Sira na'in-21 ne'e kompostu husi feto na'in-12, no mane na'in-9, mai hotu husi família ida.

Tempo Timor koko kontaktu ho parte relevante sira maibe lakonsege to'o notisia ne'e hatun. (*)

Rate this item
(1 Vote)
Last modified on Sunday, 14 March 2021 01:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter