Posibilidade Estende Serka Sanitária iha Díli no Baukau

Tempotimor (Dili)-Haree ba númeru kazu ne'ebé kontinua aumenta iha Dili no Baukau, Sala Situasaun-Sentru Integradu Jestaun Krize (SS-SIJK) deside ona hodi halo estensaun ba serka sanitária (SS) iha Dili, possibilidade mós aplika ba Munisípiu Baukau.

Liga ba kazu sira ne'e, portavoz SS-SIJK, Rui Maria de Araújo hatete, la'ós Dili de'it mak estende serka sanitária, maibé iha posibilidade sei aplika mós ba munisípiu Baukau.

"Haree ba kazu ne'ebé kontinua aumenta, ita tenke estende Serka Sanitária iha Dili, nune'e fó tempu ba ekipa saúde sira tuun ba terrenu lori detekta hotu husi kazu pozitivu para halo teste, nune'e bele detekta sira ne'ebé infetadu ona husi virus para izola hodi labele da'et tutan," dehan Rui Araújo ba jornalista sira liuhuisi zoom conference, domingu (14/03).

Kazu ne'ebé alastra ona ba komunidade lokál iha Baukau, mak ekipa Sentru Integradu Jestaun Krize sei rekomenda ba governu bazeia ba dadus ne'ebé iha hodi aplika Serka Sanitária ka lae iha munisípiu Baukau.

"Ida ne'e Konsellu Ministru (KM) sei halo reuniaun extraordináriu hodi ko'alia kona-ba munisípiu Baukau atu aplika Serka Sanitária ka lae, entaun ohin kalan SS-SIJK sei halo analiza fali na kazu sira ne'e hotu depois aban (loron 15 fulan-marsu) aprezenta dadus sira ne'e ba KM dehan nia.

Maibé dadus, kazu iha Baukau aumenta ba na'in-een, ne'ebé na'in-rua husi Dili mak ba no na'in-haat seluk hetan kontáziu.

"Na'in-2 husi Dili mak ba, na'in-haat seluk mak hetan kontáziu ka transmisaun iha Baukau nia laran duni, husi ema sira ne'ebé lori husi Dili ba, ne'e hatudu katak iha Baukau iha ona cluster rua, maibé ninia fonte transmisaun, ita sei identifika hela, entaun oras ekipa konjunta sira halo hela rastreiu ba sira ne'ebé kontatu ho sira pozitivu ne'e, entaun ita buka tuir nafatin virus to'o ona iha ne'ebé," haktenik nia.

Ba kontaktu sira ne'ebé teste primeiru negativu, maibé sei iha tan teste depois loron 10, tanba posibilidade moras ne'e iha hela periodu inkubasaun entaun bele dezenvolve no pozitivu fali.

Entretantu kontaktu sira kontinua tama iha kuarentena ne'ebé prepara husi governu, maibé bele mós balun halo auto kuarentena iha uma.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter