Tuir portavoz Sentru Integradu ba Jestaun Krize (SIJK) dra. Odete da Silva Viegas iha sala situasaun katak, sidadaun sira ne'ebé sei hein rezultadu teste hamutuk 253.
"Total komulativu teste hamutuk 1533, sidadaun sira ne'ebé sei hein rezultadu hamutuk 253 no sidadaun sira ne'ebé sei iha karantina no auto karantina hamutuk 87 inklui profesionál saúde na'in 11," dehan Portavoz SIJK dra. Odete da Silva Viegas iha sala situasaun ba jornalista sira, Kuarta (20/05).
VIDEO PUBLISIDADE APELU HUSI PM TAUR APLAUS BA FRONT LINE
Atuál Diretora Jerál Prestasaun Saúde (DJPS) ne'e katak, kazu konfirmadu ba corona virus hamutuk 24, kazu foun laiha, inklui mate mós laiha, entretantu teste ne'ebé negativu ona hamutuk 1256, kazu rekuperadu na'in 28, na'in 24 husi kazu konfirmadu no na'in haat seluk husi kazu provavél, alende ne'e sira ne'ebé pasa ka liu ona karatina no auto kuarentena hamutuk 2250.
Husi kazu ne'ebé TL zero ona, mak SIJK afirma katak, TL bele livre husi surtu corona virus tanba esforsu ema hotu nian, tanba konsege kontein, detekta, izola no trata.
"Susesu ne'ebé ita hetan fó liután motivasaun no dezafia ita hotu ba seevisu todan lubun boot ne'ebé hein ita hotu nja kontribuisaun iha etapa tuir mai, so ho servisu fó liman ba malu, unidade mak ita bele ultrapasa bareira sira hotu no hatudu ba mundu katak Timor Leste mós bele," dehan Odete.
