Pasiénte Lídia dos Santos ho idade 11, husi suku Lauhata, Postu Administrativu Bazartete, Munisípiu Likisá, no nia sofre moras kona-ba kankru tulan iha parte ain kuaze tinan-rua-resin ona.

Ba apoiu ida-ne'e, aman husi Lídia dos Santos, Julião dos Santos Gonçalves hatete, nia parte sente agradese ba apoiu husi Prezidente Repúblika, ho ekipa ne'ebe fasilita ona nia oan feto hodi ba halo tratamentu saúde iha Indonézia.

“Ha’u fó obrigadu ba Xefe Estadu, tanba ajuda ha’u, no durante ne’e ha’u mesak labele, husi Estadu halo dokumentu sira-ne’e akompaña ha’u-nia oan ohin atu aranka ba Indonézia,” dehan Julião dos Santos Gonçalves liuhusi komunikadu imprensa ne'ebé www.tempotimor.com, asesu husi Gabinete Prezidente Repúblika, segunda (22/08).

Kona-ba moras ne'ebe Lídia dos Santos enfrenta bainhira nia hahú eskola iha Ensinu Bázika Aipelu Munisípiu Likisá nia komesa sente ona moras iha parte ain, maibé nia sei kontinua ba eskola.

Nune'e atu tama iha ezame ba segundu períodu, nia ain komesa moras maka’as, nune’e nia tenke para eskola.

“Laiha, nia eskola quarta klasse, eskola iha SD-K Aipelu, durante nia eskola ne’e mós nia ain ne’e sei moras hela seidauk bubu, atu ba trimestre segundu ne’e mak akontese nia la ba tiha eskola”, hatete nia.

Tanba ne'e, apoiu ne'ebé Xefe Estadu fo ba nia oan feto Lídia espera bele rekopera lalais hodi kontinua nia Estudu. (*)