Login to your account

Username *
Password *
Remember Me

EUA Sei Transfere Fundu Adisionál $600.000 ba USAID Apoiu Kombate COVID-19 iha TL

Estadu Unidu Amérika (EUA) liuhusi Ajénsia Estadus Unidus ba Dezenvolvimentu Internasionál (USAID) entrega simbolika orsamentu ho montante hamutuk $ 600,000 ba Ministra Saúde (MS), Odete Freitas Belo. Estadu Unidu Amérika (EUA) liuhusi Ajénsia Estadus Unidus ba Dezenvolvimentu Internasionál (USAID) entrega simbolika orsamentu ho montante hamutuk $ 600,000 ba Ministra Saúde (MS), Odete Freitas Belo. Foto Suplay

Tempotimor (Dili)-Estadu Unidu Amérika (EUA) sei tranfere tan orsamentu adisionál ba Ajénsia Estadus Unidus ba Dezenvolvimentu Internasionál (USAID) ho montante hamutuk $600,000 hodi apoiu finansia atividade ba Sustentabilidade sistema saúde kona-ba kombate hasoru COVID-19 iha Timor-Leste.

“Estadus Unidus kontente atu oferese tan apoiu ba COVID-19 hodi kombate pandemia ne'e no hametin seguransa saúde”, dehan Enkaregadu Negósiu Embaixada EUA, Tom Daley liuhusi Komunikadu Imprensa ne'ebé www.tempotimor.com, asesu husi Gabinete JICA, sesta (19/08).

Fundu ne'e rasik sei aloka mós ba kontinuasaun servisu esensiál saúde ba inan no kosok-oan sira-nian inklui saúde husi labarik sira-nian iha teritóriu laran tomak atu nune'e kontinua reforsa seguransa saúde iha Timor-Leste.

Nune'e mós aumenta tan apoiu ba kampaña vasinasaun COVID-19 nian ba populasaun sira ne'ebé elijível, no hadi 'a prevensaun ho kontrolu ba infesaun iha sentru saúde komunitária sira, no nafatin promove prevensaun COVID-19 iha rai laran.

Maibé orsamentu ida-ne'e mós sei permite aloka mós ba Munisípiu rua liuhusi Ministériu Saúde no ida-ne'e nu’udar kontinuasaun ida husi apoiu ne'ebé fó ona ba Munisípiu Ermera, Bobonaro, Likisá, no Ainaro.

“Orsamentu ida-ne’e, nu’udar aumentu ida ba fundu millaun $1 ne'ebé entrega no anunsia ona iha fulan-setembru 2021 ba atividade hanesan”, hatete nia.

Husi apoiu hirak ne'e, mak parte Embaixada EUA iha Timor-Leste mós hato'o parabéns ba progresu ne'ebé Timor-Leste hetan ona kona-ba kombate hasoru pandemia.

“Apoiu ohin loron nian bazeia ba progresu ne’e, atu haluan tan kobertura vasinasaun ba área balun ne'ebé remota liu iha nasaun ne'e, liuhusi kampaña sensibilizasaun espesífika ba sira ne'ebé seidauk bele simu vasina COVID-19 nian”, haktuir nia.

Ministra Saúde, Odete Freitas Belo hatete, Ministériu Saude apresia apoiu husi USAID nia ne’e tanba sei reforsa servisu pesoál saúde sira iha munisípiu hotu inklui RAEOA hodi responde ba pandemia COVID-19 no hasa'e partisipasaun komunidade sira-nian iha kampaña vasinasaun COVID-19.

“Dezde pandemia ne 'e hahú, Estadus Unidus Amérika serbisu hamutuk ho Governu Timor-Leste hodi fornese liu millaun $7.4 iha asisténsia krítiku atu kombate COVID-19 inklui vasina Pfizer liu 200, 000”, afirma nia.

Dadauk Estadus Unidu Amerika mós hala'o hela abordajen no abranjente ida hodi hapara pandemia ne'e iha mundu tomak, hodi hamenus impaktu husi COVID-19 ba ema no sosiedade no hametin rekuperasaun globál. (*)

Rate this item
(0 votes)
Last modified on Friday, 19 August 2022 14:18
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter