Tuir informasaun ne’ebé www.tempotimor.com , asesu iha pájina AIFAESA, sesta (22/07) katak, Ekipa Operasaun AIFAESA, I.P , lideradu husi Diretór Departamentu Operasaun, Viriato Paulo, Diretór Metrolojia no Padronizasaun Julito Barreto, hamutuk ho xefe divizaun, xefe seksaun no inspetóres sira, hamutuk ho Polísia Eskuadra Postu Administrativu haat, halo operasaun ba produtu tabaku ilegál sira iha merkadu tradisional Taibessi, Bidau, terminál Tasi-Tolu no Merkadu Manleuana, kinta (21/07) .

Nune’e iha merkadu tradisionál Taibesi no Bidau, AIFAESA konsege preende tabaku ho marka surya hamutuk slope sanollu (10), masu hamutuk ualunollu-resin-lima (85), Arrow Black hamutuk slope sanollu-resin-ida (11), masu hamutuk neennollu-resin-tolu (63), joker pohong sagu tembakau hamutuk plástiku sianollu-resin-ida (91), joker matahari hamutuk plástiku atusida-ruanollu-resin-lima (125), joker wainiama hamutuk plástiku sanollu (10), Esse Change hamutuk slope haat (4), masu hamutuk ruanollu-resin-rua (22) no Marlboro burst hamutuk masu ida (1).

Enkuantu iha terminál Tasitolu no Merkadu Manleuana ekipa halo apreensaun ba tabaku ho marka Surya hamutuk slope hitu (7), masu hamutuk limanollu-resin-neen (56), Arrow Black hamutuk slope ida (1), masu hamutuk tolunollu-resin-tolu (33), no pohon sagu plástiku hamutuk ruanollu-resin-rua (22).

Nune’e ekipa operasaun sei kontinua realiza inspesaun ba tabaku, tuir dekretu lei ne’ebé vigora ba vendedór sira ne’ebé sei nafatin fa’an produtu tabaku ho marka lian Indonézia. (*)