Login to your account

Username *
Password *
Remember Me

Governu Japaun ho MS Fó Sormasaun ba Profesionál Saúde Na’in-10

Diretora Jerál Prestasaun Saúde, Odete da Silva Viegas. Diretora Jerál Prestasaun Saúde, Odete da Silva Viegas. Foto Suplay

Tempotimor (Dili)-Governu Japaun liuhusi projetu ONG Frontline hamutuk ho Institutu Nasionál Saúde fó formasaun ba Profesionál Saúde médiku no parteira na'in-10 iha Munisípiu Ermera.

Tuir informasaun ne’ebé www.tempotimor.com, asesu husi Palásiu Sinza, tersa (19/07) katak, Formasaun ida-ne'e hanesan pilotu implementasaun husi Governu Japaun liuhusi projetu ONG Frontline hamutuk ho Institutu Nasionál Saúde, Formadór Dotór José António Gusmão fó formarmasaun ba médiku no parteira na'in-10 iha Munisípiu Ermera.

Diretora Jerál Prestasaun Saúde, Odete da Silva Viegas hato'o agradese ba ONG Frontline ne’ebé mak durante ne’e kolabora hamutuk ho Ministériu Saúde hala’o ona serbísu lubuk ida liliu iha kapasitasaun rekursu umanu ne’ebé sai mós investimentu ba tempu naruk nian.

“Apelu ba formadu sira oportunidade ida-ne’e ita-boot sira hetan oportunidade di’ak la’ós ema hothotu bele hetan maibé ita-boot sira inísia prosesa ho matenek ne’ebé husi doutór José ninia kontribuisaun liuhusi apoiu ne’ebé mak Governu Japaun fó mai ita”, hatete Diretora Odete Bele.

Tanba matenek ne’ebé profesionál saúde sira hetan atu ajuda tulun inan sira ne’ebé mak iha área remota, bainhira iha futuru labele hakbesik-an to’o iha Ospitál Nasionál Guido Valadares pesoál saúde sira sei sai na'in atubele deteta uluk prevene atu inan sira ne’ebé hetan komplikasaun iha futuru.

“Formasaun hothotu liuhusi INS (Istitutu Nasionál Saúde) maibé ita-nia kbi’it seidauk to’o ba ne’ebá entaun ho pasu ne’ebé mak Espesialista Timoroan doutór José ho señora Kayono Nakajima Xefe Reprezentante ONG Frontline ho Diretór Munisípiu Ermera hahú sai hanesan pilotu ida ne’ebé iha ita-boot sira-nia Munisípiu atu nune’e ita haree ba oin saidá mak ita bele atu halo”, afirma nia.

Nune’e husu ba formandu sira atu matenek ne’ebé sira hetan bele fahe daudaun ba profisionál sira ne’ebé mak seidauk hetan oportunidade ida-ne’e, atubele ajuda malu buka dadaun solusaun ba problema ne’ebé mak sei akontese iha idak-idak nia serbísu fatin.

Formandu sira ne'ebé tuir ona prosesu FUAT ezame finál bele sai nivel 1 pratikante ekografaia OBJIN nian hodi bele ajuda fó atendimentu ba inan sira hotu hetan ekografia maizumenus dala ida durante isin rua hodi identifika kondisaun inan no bebé nian.

Ba susesu husi formandu faze dahuluk nian iha munisípiu Ermera hatudu katak iha posibilidade boot atu implementa formasaun ekografia iha munisípiu seluk depois finaliza pakote formasaun ekografia.

Bainhira selebra formadu sira-nia prestasaun no hanesan atividade foun ba pratikante Ekografia nível 1 ba OBJIN iha Timor-Leste hanesan pesoál saúde ne'ebé iha kapasidade akreditadu hosi INS atu halo ekografia OBJIN iha kuidadu saúde primária. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter