Login to your account

Username *
Password *
Remember Me

MS Atribui Premiu Vasina Covid-19 ba Sentru Saúde Munisípiu 3

Ministra Saúde (MS), Odete Maria Freitas Belo entrega hela sertfikadu apresiasaun ba Diretór Sentru Saude Munisípiu Dili (DSSMD), Agostinha Segeredo, iha Palásiu Sinza, Kaikoli, kinta (07/04). Ministra Saúde (MS), Odete Maria Freitas Belo entrega hela sertfikadu apresiasaun ba Diretór Sentru Saude Munisípiu Dili (DSSMD), Agostinha Segeredo, iha Palásiu Sinza, Kaikoli, kinta (07/04). Foto Tempo Tiimor

Tempotimor (Díli)-Ministériu Saúde (MS) atribui prémiu vasinasaun Covid-19 ba Sentru saúde iha Munisípiu Dili, Vikeké no Covalima, ne’ebé atinjimentu vasinasaun Covid-19 la'o ho di'ak.

Ministra Saúde (MS), Odete Maria Freitas Belo esplika, ba prémiu ne’e hili sentru saúde primeru iha Dili, segundu Vikeké no terseiru Covalima, no pesoál saúde sira.

“Ami mós fó premiu ba pesoál saúde sira, maibé la'ós fó ba hothotu, ami hili pesoál saúde ne'ebé ho munisípiu ne'ebé mak ninia atinjimentu vasinasaun Covid-19 ne'e la'o ho di'ak, ho ida ne'e ami sei fó de'it ba ekipa Sentru Saúde Munisípiu Dili, Sentru Saúde Munisípiu Vikeké no Sentru Saúde Munisípiu Covalima”, informa Ministra Odete iha Pálasiu Sinza, Kaikol, kinta (07/04).

Nune'e, Ministériu Saúde fó parabéns ba Reijasaun Administrativu Espesiál Oekussi Ambeno (RAEOA) tanba nia vasinasaun Covid-19 mós la'o di'ak maske sira la hetan prémiu.

Diretora Sentru Saúde Munisípiu Dili (DSSMD), Agostinha Segeredo, kontente tanba bele hetan apresisaun ba atinjimentu vasinasaun Covid-19 nian, tanba ne’e fó servisu boot ba sentru Saúde Munisíu atu aselera lalais projentu sira ne'ebé seidauk atinje.

“Apresiasaun ida ne'e fó ba ha'u no estrutura tomak sentru saúde Munsípiu Dili (SSMD), nomós ba apoiu parseiru sira seluk ne'ebé mak durante ne'e suporta maka’as mai iha SSMD. Husi apresiasaun ida ne'e, la to'o ohin ne'e de'it maibé fó apresiasaun ida ne'e fó tan servisu boot ida ita tenke aselera nafatin hodi atinje di'ak liután projentu hirak ne'ebé mak sai dezafiu hela ba Dili”, informa nia.

Tuir dadus husi Ministériu Saúde nian, vasina iha munisípiu Dili Primeiru doze atinje ona iha pursentu 89,6 no segundu iha pursentu 84,1, Munisípiu Vikeké primeiru atinje pursentu 94,5 no segundu iha pursentu 83,7 no iha Covalima primeru Vasina atinje ona pursentu 96,9 no segundu iha pursentu 78,1. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter