“Iha fulan-marsu ita rejista kazu iha triazen as liu kompara ho fulan kotuk fulan-fevereiru, iha fulan-marsu ita rejista kazu 5.381, kazu sira ne'e mai husi komunidade rasik, sira ne'ebé hela iha Dili e mai husi sentru saúde no balun mai kazu reveral sira husi munisípiu”, informa nia iha kna’ar fatin Departamentu Sala Emerjénsia HNGV Bidau, kinta (07/04).

Ho númeru ida ne'e baixa iha óspital barak liu kuaze kazu maternidade, kazu partu sira ne'e, nune’e reprezenta maizomenus 500-resin iha fulan ida ne'e.

“Kazu sira ne'e mai ho nia diagnostika keta-ketak hanesan maternidade atu mai partu, balu mai ho problema kandungan”, esplika nia.

Maibé kazu ne'ebé baixa iha sala interna maioria kazu infesaun iha plumaun ne'ebé rejista, kuaze nia kauza tuberkuloze mak barak no tuir moras pnomomia no iha infesaun seluk tan hanesan Covid-19 mós tama iha infesaun plumaun nian.

“E iha mós kazu seluk ne'ebé baixa iha sala medisina mak hanesan pasiénte sira mai ho problema fuan, iha ne'e problema fuan oioin”, katak nia.

Iha mós númeru kazu sira ne'e tuir kedas kazu estruk sira, tanba pasiénte sira mai kuaze la hetan tratamentu adekuadu iha kedas referal ne'ebé rejista iha HNGV no baixa iha medisina Mulher.

"Kazu sirujia númeru as liuhusi asidente, tanba ita hatene asedente iha fulan-marsu taun iha hela ámbitu kampaña entaun ita rejista mós kazu iha ne'ebá”, relata nia.

Kazu asidente ho tipu oioin balun iha trauma iha nia kakutak, balun fraktura no totál asidente husi motorizada ho karreta hamutuk 225 nune'e labarik na'in-1 ho idade 15 ne'ebé hetan traumatik maka’as iha nia kakutak entaun nia lakon nia vida.

“Ba padetria labarik ita nafatin rejista kazu dengue maka’as nafatin ho totál fulan ida ne'e 619, balun ita observa de'it iha Emerjénsia ne'e, balun halo administrasaun ou baixa iha laran, inklui ita rejistu mós kazu óbitu iha fulan ida ne'e na'in-3 iha marsu”, dehan nia.

Enkuantu kompara ho númeru Dengue iha fulan kotuk agora nia númeru reduz uituan tanba iha fulan kotuk rejista moras dengue 700-resin ne'ebé iha mundansa.

Entretantu Rejistu mate ba fulan-marsu nian iha sala emerjénsia HNGV hamutuk 33 no balun pasiénte mate kedas iha uma mak lori mai ospitál no kazu seluk baixa ona iha sala sira laran mak mate. (*)