Tempotimor (Dili)-Prezidente Komisaun B Trata Asuntu Negósiu Estranjeiru no Defeza ho Seguransa, iha Parlamentu Nasional, Deputadu José Augostinho Sequeira "Somotxo" konsidera kazu osan rihun US$130, ne’ebé militante partidu KHUNTO atu lori sai ba estranjeiru ne’e, krimi organizadu, tanba Vise Ministru Interiór (MI), António Armindo no Vise Ministru Justisa (MJ), José Edmundo Caetano halo intervensaun polítika ba Servisu Nasional Intelijénsia (SNI).

Tempotimor (Dili)-Vise Ministru Interior (MI), António Armindo klarifika, insindente ne'ebé mosu iha área Fatumea hodi rezulta sidadaun timoroan ida hetan kanek iha liman sorin karuk ne'e, la'ós Tentara Nasional Indonézia (TNI) mak tiru, maibé ema sivíl ida ho senapan (kilat-anin) mak tiru kanek.

“Tuir relatóriu ne'ebé informasaun foin dadauk sai dehan katak, TNI mak tiru ne'e, la’e. Ema sivíl ida mak tiru uza senapan (kilat-anin) ne'e tiru. La'ós TNI ka Polisi Repúblik Indonesia (POLRI) mak tiru”, esplika António Armindo, ba www.tempotimor.com liuhusi telefone, kinta (05/08).

Tanba sidadaun sivél ne’e husi viziñu Atambua-Indonézia ne'ebé la'o hamutuk ho milítar TNI ho POLRI, nian bainhira la'o tuir dalan mai área Timor-Leste (TL) nian hodi buka tuir sidadaun timoroan ne'ebé deskonfia lori-subar sira-nia karau.

“Tanba sira agora dadauk ne'e hanoin dehan TNI mak lori senapan ne'e tiru, mais ema joven, ema sivíl mak lori senapan ne'e tiru. Ema Atambua, ema ne'ebá mak tiru, mais nia la'ós militár, la'ós TNI, nia sivíl. Sivíl sira mai hamutuk ho tentara sira ne'e”, hatete nia.

Insidente ne'e mosu tanba deskonfia sidadaun timoroan lori subar ema nia karau mean husi rai viziñu Indonézia (Atambua) nian, lori tama área TL iha Aldeia Fatumea, Postu Administrativu Fohorem, Munisípiu Covalima.

“Sim, tuir informasaun hanesan (naok karau) ne'e mak hodi rezuta problema ne'e. Horikalan ha'u la husu nia kuantidade, tanba telatóriu mós ha'u seidauk haree, mais relatóriu Primeiru Ministru hanesan Ministru Interior ne'e ba tiha ona”, dehan nia.

Enkuantu prosesu ba suspeitu ne'ebé tiru ne'e, tuir lei TL ka Indonézia nian, maibé sei konfirma ho asesór sira hodi husu paresér jurídiku ruma kazu refere.

“Problema tanba akontese ne'e iha fronteira, mais agora ema ne'e Indonézia, ne'ebé ha'u tenke konfirma lai ho asesór sira, mais ne'e komandu mós halo prosesu ona depois halo nusá ba mak, komandu relata mai mak ita haree, parese ke sei kontatu mós ho embaixada Indonézia nian iha Dili atu haree asuntu ida”, hatete nia.

Maske nune'e, Komandante PNTL Komandu Munisípiu Covalima, rezolve ona kazu ne'e ho família rua nian, no promete sei fó fila karau ne'ebé lori subar iha Fatumea.

“Ha'u iha hela Suai, horikalan ko’alia hela ho Komandante Munisípiu Covalima, ne'ebé nia mós dehan rezolve ona, e ami hasoru ona parte rua, Indonézia ho ita-nia, ko’alia ona e depois entrega hikas e prosesu ne'ebé mak krime ne'e la'o nafatin”, haktuir nia.

Tuir planu, iha loron segunda (09/08), Komandu PNTL liuhusi nia Portavóz sei hamutuk ho adidu Militár Indonézia nian iha Dili hodi hala'o konferénsia imprénsa ida, atu relata informasaun ne'ebé loloos ba públiku hodi bele hatene. (*)

Tempotimor (Díli)-Vise Ministru Interiór (MI), António Armindo informa, iha sidadaun individu balun durante ne’e apoiu Governu hori konstrui Postu Polísia Nasionál Timor-Leste (PNTL) iha Munisípiu Díli.

Tempotimor (Dili)-Ministériu Interior (MI) liuhusi Servisu Migrasaun (SM) hahú halo interrogatóriu ba sidadaun Timoroan na'in-14 ne'ebé autoridade seguransa Indonézia nian kaptura iha Atambua Nusa Tengara Timur (NTT), tanba hakat ilegál husi fronteira Timor-Leste ba Atambua-Indonézia.

Tempotimor (Dili)-Komandu Polísia Nasionál Timor-Leste (PNTL) instala ona Postu Seguransa Polísia Tránzitu iha fronteira Batugade hodi halo kontrola ba movimentasaun transporte ne'ebé ultrapasa liña fronteira iha Postu Administrativu Balibo, Munisípiu Bobonaru.

Tempotimor (Dili)-International Organization for Migration (IOM) fasilita Servisu Imigrasaun ho sistema dijitál Migration Information and Data Analysis System (MIDAS) hodi kontrola pasajeiru sira ne’ebé tama no sai fronteira.

Tempotimor (Dili)-Vise Ministru Interior (MI), António Armindo, husu ba komandu Polísia Nasionál Timor-Leste (PNTL) atu kontrola membru sira ne’ebé uza kilat.