Login to your account

Username *
Password *
Remember Me

Somotxo Konsidera Kazu Osan Rihun US$130 Krime Organizadu

Deputadu José Augostinho Sequeira "Somotxo". Deputadu José Augostinho Sequeira "Somotxo". Foto Tempo Timor

Tempotimor (Dili)-Prezidente Komisaun B Trata Asuntu Negósiu Estranjeiru no Defeza ho Seguransa, iha Parlamentu Nasional, Deputadu José Augostinho Sequeira "Somotxo" konsidera kazu osan rihun US$130, ne’ebé militante partidu KHUNTO atu lori sai ba estranjeiru ne’e, krimi organizadu, tanba Vise Ministru Interiór (MI), António Armindo no Vise Ministru Justisa (MJ), José Edmundo Caetano halo intervensaun polítika ba Servisu Nasional Intelijénsia (SNI).

"Ohin ha'u temi instituisaun sira ne'ebé estadu kria, saida mak la'o iha ita-nia rai ne'e hanesan krime organizadu ida, ha'u la'os konsidera dehan ou vise Ministru sira ne'e kriminozu, mas aktu sira ne'ebé mosu ne'e hanesan tendénsia ba krimi organizadu ka públikamente ema hotu haree," dehan Somotxo iha Parlamentu Nasionál, kinta (13/10).

Tanba ne'e, Komisaun B mos sei buka hela atu bolu instituisaun sira ne'ebé iha ligasaun ba servisu hirak ne'e.

Tuir loloos Partidu Polítiku sira no membru governu hatene, hela Timor-Leste mos iha regra propriu atu lori osan ba rai liur no bainhira tau karon mak lori ne'e signifika brakeamentu kapital umanu.

Nune'e, ema ne'ebé lori osan ida ne'e mos labele nega ka ko'alia dehan, ne'e sira nia osan, sé nia osan mos iha nia fatin propriu, mais kuandu lori osan ho montante boot liuhusi aeroportu ne'e, lei iha atu regula.

Nia fó ezemplu, dadaun mos kada deputadu ho membru governu sira hala'o ona rejista ba sira-nia riku soin, nune’e, bainhira ema ne'ebe tenta lori sai osan boot, laiha rejista riku soin, entaun presiza buka hatene osan  mai husi ne'ebé.

Tanba ne'e, posibilidade autoridade sira sei halo investigasaun ba kazu refere atu ema ne'ebé lori osan mos konserteza sei hatán.

Purtantu kona-ba pedidu ezonerasaun ba Diretór Nasional Informasaun Interna servisu Nasional Intelijénsia (SNI), Ajente Xefe Polísia Gastão Piedade ne'ebé aprezenta husi Vise MI ho MJ ne'e, nia parte seidauk simu informasaun loloos husi parte Komisiáriu PNTL.

Tanba ne’e, seidauk bele konfirma asuntu ne'e ba Komandante Jeral PNTL, tanba nia akompaña hela ajente sira ba portugal hodi tuir formasaun kona-ba anti-terorizmu no agora hela segundu komandante mak iha ne'e, maibé seidauk hatene loloos, karik Vie Ministru sira diriji duni karta ba segundu komandante kona-ba demisaun signifika ne'e krime.

"Sé, ida-ne'e tebes, ne'e kontinuasaun de krimi ne'ebe sira komete, sé ida-ne'e tebes, tanba ida-ne'e opstrusaun ba autoridade públika atu hala'o servisu. Ha'u hanoin sira na'in hira mos laiha kompeténsia atu hasai se-sé de'it ne'ebe koloka iha instituisaun ne'ebé ita kria hanesan Servisu Nasionál de Intelijénsia (SNI), ne'e kualker nasaun mós sé mak atu interfere ida-ne'e," nia informa.

Tanba, Servisu Investigasaun Kriminál, ne'e orgaun polísia ida ne'ebe estadu ho nesesidade, no kuandu harii konserteza nia tenke koloka rekursu umanu.

Aleinde rekursu umanu ne'ebé koloka ba SNI mos atu hala'o nia servisu tuir nia kompeténsia, maibé pelu kontrariu, tanba sira la kumpre mos sala no kumpre mos sala nafatin ida-ne'e tenke haree didi'ak.

"Ita-kuandu harii instituisaun para atu hala'o servisu ho ninia kompeténsia rasik, atu la kumpre mós la di'ak, kumpre mós la di'ak, e kumpre tiha mak ita hanesan lori fali interese polítika ida atu hanehan, ne'e la'e, regra propriu iha atu halo," nia dehan. (*)

Rate this item
(1 Vote)
Last modified on Friday, 14 October 2022 14:23
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter