“Se anónimu sira ne'e, apoiu anónimu ne'e akontese iha mundu tomak, dalaruma iha balun osan hakarak apoiu mais nia lakoi temi nia naran apoiu de'it tanba voluntarizmu, ita hetan apoiu. Aleinde Governu mak halo, ita mós apoiu, parseiru sira mós apoiu, ne'e di'ak para ita kompleta malu, buat ne'e apoiu komplementáriu, ne'ebé kompleta malu”, dehan António Armindo iha Palásiu Governu hafoin reuniaun Konsellu Ministru, kuarta (28/07).
Maibé Governu mós lakoi públika indivial sira ne'e nia naran ba públiku no hakarak iha tempu inaugurasaun mak públika sai anónimu ka pessoál hirak ne'e nia naran.
"Ha'u la hatene kona-ba ida ne'e tanba, ne'e ema sira ne'ebé mak ko'alia iha li'ur ne'ebá, purtantu nia kompleta ba mak ita fó sai, to'o inaugura ba mak ita fó sai, no ema iha Timor ne'e la'ós señor Mau Hoka mesak de'it, bele Señor Mau Hoka, bele Señor Lorenço hanesan ita-boot sira hatene, halo postu ne'e”, afirma nia.
Nune'e bele mós iha apoiu seluk ne'ebé mai husi estranjeiru, apoiu hothotu ne'ebé atu dezenvolve Timor-Leste la presiza tenke mai husi Governu maibé mós husi pesoál sira-nia kontribuisaun.
Postu polísia sira iha Timor laran tomak, liliu iha fronteira inklui mós iha postu Administrativu Ataúro Suku Bikeli Aldeia Akrema ne'e hetan apoiu husi Parseiru Governu sira. (*)