Tempotimor (Dili) - Orsamentu Jerál Estadu 2021 ne'ebé atu aloka ba Ministériu Asuntu Parlamentár no Komunikasaun Sosiál (MAPKOMS) ho montante hamutuk tokon US$ 6.6.

Tuir Ministru Francisco Jerónimo, montante orsamentu tokon US$ 6.6 ba MAPKomS iha tinan 2021 ida ne'e atribui husi Ministériu Finansas.

Tanba ne'e, nia parte entrega hikas ba diresaun sira hotu atu diskute, kuandu hotu ona maka hafoin informa ba MAPKomS-SEKomS atu aprova.

“Agora daudaun ami halo enkontru hodi fahe ba kada diresaun sira no diresaun sira hetan ona depois no sei informa fila-fali mai iha ministériu no Sekretáriu Estadu Komunikasaun Sosiál hodi aprova”, dehan nia, iha Palásiu Governu, Segunda (14/9).

Nia hatutan, aprezentasaun tetu 2021 iha diresaun balun hakarak aumenta tan orsamentu, maibé parte MAPKomS husu ona ba diresaun sira diresaun ne’ebé nesesáriu ho razaun fundamentál maka bele foin halo aumenta orsamentu, maibé ida ne’ebé la konsidera nesesáriu MAPKomS deside sei ko'a.

Iha fatin hanesan, Diretór Jerál Administrasaun MAPKomS, Ponciano da Cruz Leite hateten, reuniaun ba aprezentasaun tetu orsamentu MAPKomS ba tinan 2021 realiza enkontru entre MAPKomS , SEKomS ho Diresaun tuteladu sira atu diskute no aprova orsamentu 2021 ne’ebé parte Ministériu Finansas atribui ba.

Nia esplika ha tetu orsamentu ba 2021 ne’e parte MAPKOMS la halo distribuisaun ketak-tetak, maibé fahe ba ministériu ida maka MAPKomS.

“Orsamentu ne’ebé ami iha ne’e ba ministériu ida de'it hafoin fahe ba gabinete Gabinete Ministru ho Gabinete Sekretáriu Estadu, depois ba diresaun hotu-hotu ne’ebé iha eziste iha ministériu laran”, Diretór Jerál ne’e esplika.

Tuir Diretór Jerál MAPKomS ne’e hateten orsamentu bazeia ba proposta sira ne’ebé maka parte Diresaun sira ne’ebé tutela ba MAPKOMS aprezenta liu ona tetu orsamentu ne’ebé maka husi parte Ministériu Finansas aprezenta ona mai MAPKomS.

“Maibé diresaun ida-idak propoin osan boot liu hamutuk tokon US$ 6.855, entaun ami halo hela servisu esforsu ajusta ho tetu, tanba iha osan rihun US$ 239 maka liuhusi proposta ne'ebé orsamentu Ministériu Finansas fó”, dehan Ponciano.

Tuir nia, orsamentu ne'ebé MAPKomS hetan ki'ik liu no la sufisiente atu responde ba proposta ne'ebé antes ne'e propoin husi ka diresaun sira ne’ebé balun husu boot.

Entretantu, proposta ne'ebé antes ne'e propoin husi diresaun sira mak hanesan, Gabinete MAPKomS propoin rihun US$ 803, Gabinete SEKomS propoin US$ 774, Gabinete Asuntu Parlamentár propoin rihun US$ 90, Gabinete Inspesaun propoin rihun US$ 34.5, Diresaun Jerál Administrasaun MAPKomS propoin US$ 41, ne’e selu de'it ba saláriu no bens servisu.

Nune'e mós, Diretora Administrasaun Finansas propoin rihun US$ 65, Diresaun Nasionál Aprovizionamentu no Lojístika propoin rihun US$ 95, Diresaun Nasionál Diseminasaun Informasaun (DNDI) propoin rihun US$ 883, Diresaun Nasionál Dezenvolvimentu Média Munisípiu ka Sentru Radiu Komunidade propoin rihun US$ 479, Diresaun Jerál Sentru Sentru Formasaun Teknolojia Komunikasaun (CEFTEC) propoin rihun US$ 672, Ajénsia Tatoli propoin US$ 679.900, Radiu Televizaun Timor-Leste (RTTL) propoin tokon US$ 2.193.

Aleinde, iha mós diresaun foun rua hanesan Diresaun ida ho unidade ida tan Diresaun Nasionál Rekursu Umanu propoin rihun US$ 30 no unidade planeamentu rihun US$ 23. (*) 

Tempotimor (Díli) - Ministériu Asuntu Parlamentar no Komunikasaun Sosiál (MAPKomS) enkontru regulár ho Konsellu Imprensa (CI sigla Portugés), hodi halo diskusaun kona-bá planu sira ne'ebé prepara, husi Konsellu Imprensa, atu hadi'a mídia sira-nia servisu.

Tempotimor (Díli) - Relasiona ho enkontru kooperasaun entre Ministériu Asuntu Parlamentar no Komunikasaun Sosiál (MAPKomS) ho Sekretaria Estadu Igualdade no Inkluzaun (SEII), atu servisu hamutuk, hodi tun bá suku, hodi habelar informasaun ba sosiedade sira, atu muda sira-nia hanoin tuan ba hanoin foun.

Tempotimor (Dili)-Ministériu Asuntu Parlamentar no Komunikasaun Sosiál (MAPKomS) konvoka enkontru ho diresaun hotu hodi elabora programa ba preparasaun tetu Orsamentu Jeral Estadu 2021.

Tempotimor (Dili)-Ministru Asuntu Parlamentár no Komunidade Sosiál (MAPKomS), Francisco Martins da Costa Pereira Jerónimo, nomeia ona Manuel Pinto nu'udar prezidente interinu Tatoli. IP, hodi troka José da Costa ne’ebé rezigna-aan husi kargu ne’e.

Tempotimor (Dili) - Ministériu Asuntu Parlamentár no Komunikasaun Sosiál sei implementa programa prinsipál lima iha tinan 2021.

https://www.youtube.com/watch?v=htWoolGqsi0

Tempotimor (Dili)-Ministru Asuntu Parlamentár no Komunikasaun Sosiál (MAPKomS) Francisco Martins da Costa Pereira Jerónimo hato'o parabens ba Forsa Armada Libertasaun Nasionál Timor Leste (Falintil) neebé sei selebra ninia aniversariu ba tinan 45 iha 20 Agostu tinan ida nee.

Ministru Jerónimo liu husi karta komunikadu neebé www.tempotimor.com asesu, Segunda (17/08), felisita Falintil neebé eziste ona durante tinan barak hodi serbisu nasaun no povu Timor-Leste.

"Ita hotu agradese ba sira-nia sakrifísiu no vida ne'ebé mak sira fó tiha ona mai ita. Iha loron Falintil nian, ita hotu-hotu haree fali ba kotuk atu hanoin hikas, hodi fó onra no gloria ba sira," dehan Jeronimu liu husi komunikadu nee.

Ministru Jeronimo husu mós ba parte hotu-hotu, liu-liu ba Falintil sira, atu iha hanoin ida deti hodi dezenvolve nasaun.

"Ita haree ba oin hodi hanoin ida de'it atu serví nasaun ho dignu no responsabilidade hodi atinze Timor-Leste ida nakonu ho paz, prosperiedade no liberdade," dehan nia.

Jeronimo mós hein katak hotu-hotu sei kontinua hatudu ninia nasionalizmu no patriotizmu hodi aselera prosesu dezenvolvimentu ba Timor-Leste.

https://www.youtube.com/watch?v=htWoolGqsi0&feature=youtu.be

https://www.youtube.com/watch?v=1vr4EI1FtOM