Tempotimor (Dili) - Ministru Asuntu Parlamentár no Komunikasaun Sosial (MAPKOMS), Francisco Martins Jerónimo, rekoñese durante iha avaliasun ba média ofisiál iha ministériu hotu-hotu barak maka sei falta formasun kona-ba oinsá serbisu.

Atu hadi'a kestaun ne'e, nia hatutan, daudauk ne'e MAPKOMS prepara ona diresaun ida ne'ebe hanaran CEFTEC atu tama konta kona-ba treinamentu ba média ofisiál sira, oinsá bele fó sai informasaun kona-ba servisu ministériu nian iha públiku.

Maibé, nia dehan, kona-ba diresaun ne'e sei nakloke mós ba média imprime no média online sira ne'ebe hakarak orienta jornalista sira atu mai tuir mós formasaun.

"CEFTEC maka halo servisu ida ne'e," dehan Ministeru Francisco, ba jornalista iha Salaun Ministeriu Transporte Komunikasaun (MTK) Kaikoli, Sesta (25/9).

Aleinde ne'e, sorin seluk, MAPKOMS mós nota  katak, dala barak média ofisiál sira ne'e mai ho de'it ministru, sira ba mai pakote ida, entaun ministru kuandu ba tiha média ofisiál sira mós ba tuir hotu, ida ne'e problema, tanba iha ministeriu laran hahu lakon memoria kona-ba komunikasaun.

Ho kestaun ne'e nia deklara, iha ona ideia atu bele introdús unidade ka diresaun ida-idak kada ba ministériu oinsá mak hakbiik memória  komunikasun sosiál Iha ministériu laran.

maibe ba media sira hakarak haruka nia jornalista atu tuir formasaun ruma karik, MAPKOMS laiha problema kona-ba ida ne'e no nakloke ba ema hotu atu tuir formasaun.(*)  

Tempotimor (Díli)- Ministru Asuntu Parlamentar no Komunikasaun Sosiál (MAPKOMS), Francisco Jerónimo, iha Sesta (25/9) realiza lansamentu revista, kona-bá servisu ne'ebé MAPKOMS halo durante loron atus ida (100).

Entrentantu sura husi loron 29 Maiu to'o loron 8 Setembru 2020, ezisténsia Ministériu Asuntu Parlamentar no Komunikasaun Sosiál kompleta ona ba loron atus ida, iha Oitavu Governu.

Relasiona ho lansamentu ne'e, Ministru Jerónimo hato'o agradesimentu ba públiku inklui média no ba parseiru sira, liu-liu liña ministeriál sira hotu, ne'ebé la temi kada Ministériu.

Nia haktuir, nia parte desidi halo lansamentu ida ne'e, tanbá hakarak atu fó sai ba públiku tomak, atu bele haree no akompaña servisu hotu-hotu ne'ebé sira halo durante ne'e.

Husi loron atus ida ne'e, nia lembra, kona-bá prioridade sira ne'ebe MAPKomS hala'o mak, dahuluk lei orgánika, daruak programa kona-bá vizita ba média, iha Timor-Leste, datoluk mak haree kona-bá relasaun Parlamentu ho Governu.

"Ha'u hanoin primeiru saida mak sai prioridade, ba ha'u nia 100 dias ne'e, ha'u hala'o hotu ona, atinji ona katak, primeiru bainhira ha'u atu tama iha MAPKomS, ha'u hanoin uluk mak ne'e, orgánika MAPKomS, segundu programa ba vizita média, terseiru kona-bá relasaun entre Parlamentu ho Governu," dehan Ministru Francisco, hafoin finaliza lansamentu refere, iha salaun Ministeriu Transporte no komnikasaun (MTK), Caicoli.

Maibé, Ko'alia kona-bá lei orgánika, nia esplika lei orgánika MAPKomS ne'e Oras ne'e iha ona, nomos hetan ona aprovasaun husi Konselhu Ministru no submete ona ba Prezidente Repúblika atu promulga.

Entretantu Nia haktuir, kona-bá servisu hanesan vizita média sira, realiza ona, miabé hela balun mak seidauk, maski barak mak hetan ona vizita, husi husi MAPKomS.

Husi vizita ba média ne'e, Nia hatutan, pelo menus, iha buat balun ne'ebe mak MAPKomS halo ho média, hanesan atu servisu hamutuk no posibilita sira, oinsá mak bele iha kbiit, hodi hala'o sira nia knaar di'ak liu tan.

Alende kona-bá relasaun entre Parlamentu Nasionál ho Governu, nia deklara, agora relasaun di'ak no kapas no la'ós hanesan uluk.

"Loron ba loron di'ak i komunikasaun Governu ho PN la'o kapas tebes, iha tempu ida ne'e, saida mak akontese iha Governu, ne'ebé ha'u transmiti kedas ba Parlamentu no saida mak akontese Parlamentu ha'u transmiti kedas ba Governu," dehan nia.

Governante ne'e mos hatutan, parte seluk kona-bá média ofisiál ministeriu nian, MAPKomS mos hasoru malu ona ho sira, atu bele haree, hadi'a kestaun balun ne'ebé mak atu bele halo, iha futuru, ida ne'e MAPKomS iha ona ideia balun atu halo.

Iha seremónia lansamentu ne'ebé hetan partisipasaun máximu husi funsionáriu MAPKomS, jornalista, média na'in sira, Prezidente Konselhu Imprensa no membru Governu balun inklui husi parte igreja nian. (*)

Tempotimor (Dili) - Ministru Asuntu Parlamentár no Komunikasaun Sosiál (MAPKOMS) Francisco Jerónimo deklara, sei tau atensaun ba média hotu-hotu oinsá bele garante diseminasaun informasaun.

Tempotimor (Dili) - Ministériu Asuntu Parlamentár no Komunikasaun Sosiál (MAPKOMS) ho Komisaun A Parlamentu Nasionál, realiza audiénsia publika hodi debate proposta Orsamentu Jerál Estadu (OJE) 2020.

Ministru Francisco Jerónimo afirma, alokasaun OJE ba Ministériu Asuntu Parlamentár no Komunikasaun Sosiál iha tinan 2020 hamutuk tokon US$ 4.

Liga ba orsamentu ne'ebé iha, sei aloka de’it ba transferénsia publika, bens de servisu, ho saláriu de’it, maibé kona-ba alokasun orsamentu kapitál dezenvolvimentu, kapitál menór, fundu infraestrutura sei laiha tanba haree ba tempu la permite ona atu ezekuta.

Tuir nia, husi montante tokon US$ 4 ne'e soma hamutuk ho Dotasun Orsamentál Temporaria (DOT) ne'ebé durante ne'e MAPKOMS ezekuta atinji %72, restu husi  %28 ida ne'e sei kobre ba fulan-Outubru, Novembru, Dezembru.

"Ami-nia proposta tetu orsamentu ne'ebé mai husi governu ami aprezenta, responsabiliza saida mak ami halo no saida mak seidauk, sira konkorda ho buat ne'ebé iha," dehan MAPKOMS, Francisco Jerónimo, iha PN, Kuarta (23/9)

Kona-ba prosesu audiénsia ho MAPKOMS ne'e, nia dehan, deputadu sira ladún foti kestaun barak ba valór orsamentu maibé sira ko’alia liu kona-ba MAPKOMS nia funsionáriu sira.

Nia hatete, MAPKOMS to'o agora seidauk simu funsionáriu foun, maibé funsionáriu sira uluk mak nafatin to'o agora seidauk halo mudansa ruma. (*)    

Tempotimor (Dili) - Liga ba média balun ne'ebé seidauk hetan subsidiu %60 husi Institutu Nasionál Seguransa Sosiál (INSS) sai preokupasaun ba deputadu sira iha Parlamentu Nasionál.

Tempotimor (Dili)-Ministru Asuntu Parlamentar no Komunikasaun sosial (MAPKomS), Francisco Martins Jerónimo responde ejizensia deputadu sira-nian kona-ba subsídiu frontline ba jornalista sira.

Tempotimor (Dili) - Ministru Asuntu Parlamentár no Komunikasun Sosiál (MAPKOMS), Francisco Jerónimo deklara, parte governu prontu sei partisipa másimu iha debate proposta Orsamentu Jerál Estadu (OJE) 2020 ne'ebe ho pedidu karakter urjénsia.

Tempotimor (Dili)-Ministru Asuntu Parlamentar Komunikasaun Sosiál (MAPKomS), Fransisco Jeronimo, husu ba Konsellu Imprensa (KI) atu labele 'halimar' ho lei tenke ezekuta funsaun bazeia ba lei atu garante ba profisionalizmu média nian.

Tempotimor (Dili)-Ministru Asuntu Parlamentar Komunikasaun Sosiál (MAPKomS), Fransisco Jeronimo kpmpromete hadi'a Lei ba area komunikasaun sosiál tanba hamosu lakunas barak.

Tempotimor (Dili) - Ministériu Asuntu Parlamentár no Komunikasaun Sosiál (MAPKOMS) planeia ona programa prioridade iha tinan 2021 nian, maka atu harii torre no edifísiu ba Radio Televizaun Timor-Leste (RTTL).