Deputadu Bankada Partidu Demokrátiku (PD), Antonio da Conceição husu Ba governu atu esplika kona-ba subsídiu frontline jornalista sira nian tanba besik fulan lima ona maibé seidauk iha pagamentu.
Ba kestaun ne'e, Ministru Francisco Jerónimo hatete, kona-ba subsídiu frontline jornalista nian dadauk prosesu tomak konklui ona no hein deit atu halo pagamentu.
Tuir nia, daudauk dekretu lei ne'ebe Konsellu Ministru aprezenta hetan ona promulgasaun husi Prezidente Republika (PR).
Tanba ne'e, bainhira Jornal Republika halo ona publikasun ba dekretu lei ne'e, Ministériu Finansas prontu hola kompeténsia atu hahú pagamentu.
"Atu deklara katak proseau tomak governu konklui hotu ona, tanba ne'e bainhira dekretu lei publika ona iha Jornál Repúblika mak sei halo pagamentu," dehan ministru Francisco, iha Parlamemtu Nasionál, Segunda (21/9).
Nia afirma, aleinde subsídiu jornlista iha liña frente, governu mos selu tan subsidiu ba pesoál sira ne'ebe hala'o servisu hanesan kliner durante iha implementasun Estadu Emerjénsia. (*)