2021, MAPKomS Prioridade Harii Torre no Edifísiu RTTL

MAPKOMS sorumutuk ho lideransa RTTL.ep no lideransa husi Tatoli IP iha MAPKOMS nia kna'ar fatin Palasiu Governu Dili (14/9) MAPKOMS sorumutuk ho lideransa RTTL.ep no lideransa husi Tatoli IP iha MAPKOMS nia kna'ar fatin Palasiu Governu Dili (14/9) Foto Tempo Timor

Tempotimor (Dili) - Ministériu Asuntu Parlamentár no Komunikasaun Sosiál (MAPKOMS) planeia ona programa prioridade iha tinan 2021 nian, maka atu harii torre no edifísiu ba Radio Televizaun Timor-Leste (RTTL).

Ministru Francisco Martins Jerónimo hateten, planu ne'e antes ne'e MAPKomS halo ona, tanba ne'e iha 2021 sei tau osan atu komesa hala'o estudu ka dezeña ba infraestrutura ne'e rasik.

Kona-ba osan ne'ebé atu aloka ba programa ne'e, nia informa, totál osan mak ne'e montante hamutuk tokon US$ 12-resin.

"Prioridade ne'ebé MAPKomS atu halo mak ne'e, loos duni 2021 ami sei tau osan atu harii torre, no mós infraestrutura ba harii uma," dehan Ministru Jerónimo, iha Palásiu Governu, Segunda (14/9).

Nia dehan, osan tokon US$ 12 ne'e buat hotu kona-ba prosesu estudu no infraestrutura, hirak ne'e hotu tama ona iha ne'ebá. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.