Tuir Ministru Assuntu Parlamentar no Komunikasaun Sosial (MAPKomS), Fransisco Martins da Costa Pereira Jerónimo hateten, enkontru ho Diretór Jerál no Diretór Nasionál sira hotu atu tetu orsamentu 2020 ne'ebé hetan husi Ministeru Finansas bá diresaun sira atu elebora sira-nia programa.
"Ami fahe fali ba diresaun sira atu elebora sira-nia programa atu bele aprezenta fali ba ami para ami foti desizaun lori ba Ministériu Finansas", dahan nia.
Ministru informa, atu ko'alia kona-ba orsamentu atu sufisiente ka la sufisiente sira iha programa barak tanba ne'e mak tetu orsamentu ne'e atu hakaas aan servisu tuir kbiit ne'ebé iha.
"Ami tenke kumpre hakaas aan atu halo tuir kbiit ne'ebé ami iha liuhusi Ministériu Finansas fó mai ami osan", hatutan Ministru.
Nia hatutan, osan ne'ebé iha sira koko atu halo tuir saida mak entrega bá sira no sira lakoi ezije osan ne'ebé ho montante boot liu, maibe ho buat ne'ebé iha sira hakarak atu halo buat ruma.
"Ba edifísiu RTTL ho Tatoli nian iha 2021 nia programa ketak no TOR ne'ebé ohin ami ko'alia ne'e ketak", Ministru esplika. (*)