Tempotimor (Dili)-Espesialista ba Dezenvolvimentu Rekusu Umanu iha Association of Southeast Asian Nation (ASEAN), Bob Aubrey hasoru malu ho Primeiru-Ministru (PM), Kay Rala Xanana Gusmão hodi diskute polítika no preparasaun rekursu umanu Timor-Leste sai membru ASEAN.

Tempotimor (Dili)-Ministru Obra Públika (MOP), Samuel Marçal, akompaña husi ekipa tékniku Ministériu Obras Públika (MOP) ho PT Hutama Karya hahú tun ba terenu hodi halo verifikasaun ba projetu kontrusaun estrada iha Maliana Vila, ne’ebé sei implementa husi kompaña PT Hutama Karya, segunda (28/08/2023).

Tempotimor (Dili)-Governu liuhusi Konsellu Ministrus (KM) deside ona hodi prorrogasaun mandatu Komité Orienradór 25, atubele konklui traballu peskiza, análize no elabora Livru Istória Rezisténsia Juveníl no Estudantes Timor-Leste nian.

Tempotimor (Dili)-Parlamentu Nasionál (PN) aprova Orsamentu Jerál Estadu (OJE) Retifikativu ho valór konsolidadu hamutuk dolar amerikanu (U$) billaun 1,77, iha votasaun finál globál ho votu afavór 41, kontra zeru no abstensaun 23, iha plenária, loron 24 fulan-agostu tinan 2023.

Tempotimor (Dili)-Sekretáriu Estadu Kooperativas (SECoop-sigla portugés), Arsénio Pereira da Silva ho ekipa partisipa iha atividade koilleta hare hamutuk 2,5 hektares iha Aldeia Kuluhun, Suku Fuiluro, Postu Administrativu Lospalos, Munisípiu Lautém.

Tempotimor (Dili)-Ministru Prezidénsia Konsellu Ministru sira (MPKM), Agio Pereira, hamutuk ho responsavel husi Korporasaun Finanseira Internasionál (IFC) iha Timor-Leste, David Freedman, diskute kooperasaun estratéjika hodi hasa’e ekonomia nasionál.

Tempotimor (Dili)-Ministru Obras Públika, Samuel Marçal, simu vizita husi Reprezentante rezidente United Nations Development Programme (UNDP) interina, Adeline Carrier no ekipa, hodi diskute inisiativa sira ne'ebé la'o hela, ligado ho servisu Ministeriu Obras Públika (MOP), iha sala Gabinete MOP, Caicoli.

Tempotimor (Dili)-Primeiru-Ministru (PM), Kay Rala Xanana Gusmão alerta ba membru Polísia Nasionál Timor-Leste (PNTL) tomak atu hala’o kna’ar tuir de’it artigu 147 Konstituisaun RDTL katak, polísia ho forsa seguransa tenke defende legalidade demokratika no garante seguransa interna ba sidadaun hotu no la inklina ba partidu polítika ka grupu ruma.

Tempotimor (Dili)-Governu liuhusi Konsellu Ministru (KM) konsege aprova ona projetu Dekretu-Lei, ne’ebé aprezenta husi Ministru sira kona-ba orgánika Ministériu hitu, hanesan  Ministériu Prezidénsia Konsellu Ministru (MPKS), Ministériu  Negósiu Estranjeiru no Kooperasaun (MNEK), Ministériu Justisa (MJ), Ministériu Saúde (MS), Ministériu Obras Públika (MOP), Ministériu Solidariedade Sosiál no Inkluzaun (MSSI), no Ministériu Petróleo no Rekursus Minerais (MPRM).

Tempotimor (Dili)-Governu liuhusi Konsellu Ministru (KM) aprova ona projetu dekretu-lei ne’ebé aprezenta husi Ministru Petróleo no Rekursus Minerais, Francisco da Costa Monteiro, kona-ba Timor Gas & Petróleu, E.P (TIMOR GAP), Autoridade Nacional Petróleu (ANP), No Institutu Petróleu no Jeolójia (IPJ).

Ba alterasaun daruak kona-ba Dekretu-Lei nú. 31/2011, loron 27 fulan-jullu, TIMOR GAP-Timor Gas & Petróleu, E.P. Alterasaun ida-ne’e ho objetivu atu korrije impresaun no falla sia ne’ebé deteta ona, nune’e mós adapta estrutura governasaun TIMOR GAP, E.P nian, sai norma ne’ebé empreza internasionál no nasionál hosi setór enerjétiku halo-tuir, aleinde habelar ninia ámbitu atuasaun hodi hasoru dezafius tranzisaun enerjétika ho di’ak liu.

Tanba ne’e, buka mós atu simplifika no otimiza diploma ne’e, hodi revoga dispozisoins ne’ebé prevee ona iha lejizlasaun aplikavel seluk atu evita duplikasaun no konfuzaun.

Nune’e mós reorientasaun estratéjika ne’e ho objetivu atu foka TIMOR GAP, E.P. iha ninia misaun prioritária, hodi evita desperdísiu iha atividade komersiál sira ne’ebé ladún iha vantajen, enkuantu projetus estratéjiku ba futuru Timor-Leste nian seidauk hetan avansu ne’ebé ita hakarak.

Iha altesaun ne’e mós atu aumenta grau transparénsia no kontrole atuasaun TIMOR GAP, E.P. nian, hodi aliña ninia atividade ne’e ho prátikas internasionais ne’ebé di’ak liu no lejizlasaun nasionál, hodi kontribui ba kredibilidade setór ne’e, no ba manutensaun estatutu Timor-Leste nian iha Inisiativa ba Transparénsia iha Indústrias Extrativa.

Ba alterasaun datoluk kona-ba Dekretu-Lei n. 20/2028, loron 19 fulan-juñu, ne’ebé kria Autoridade Nacional Petróleu. Ho alterasaun ida-ne’e, Autoridade Nasionál Petróleu sei asume fila-fali kompeténsia no atribuisaun sira ne’ebé ho eskluzivu sentraliza iha matéria ida setór petróleu no gas no área sira ne’ebé iha relasaun, hodi nune’e bele foka iha setór ne’e no aloka ninia rekursus tomak ba ninia dezenvolvimentu atu nune’e bele kontribui ho forma efetiva, hanesan halo ona to’o daudaun ne’e, ba dezenvolvimentu ekonómiku nasaun ne’e nian, nune’e mós hodi permite investimentu Estadu nian iha setór ekonómiku no sosiál prioritáriu sira seluk.

Alterasaun ne’e mós atu kria fila-fali mós regras organizasaun estrutura ezekutiva ANP nian, hodi fó prioridade ba méritu no kompeténsias téknikas ninia ekipa nian, aleinde habelar ninia ámbitu hodi ninia atuasaun hodi abranje área foun sira ne’ebé mai-hosi tranzisaun enerjétika.

Ba kriasaun Autoridade Nasionál Minerais, Institutu Públiku ne’ebé ho ninia atribuisaun sira, atu atua hanesan instituisaun reguladora ba setór rekursus minerais ho kumprimentu ne’ebé rigorozu ba  dispozisoins ne’ebé prevee ona iha Kódigu Mineiru, iha kualkér lejizlasaun ka regulamentasaun ezistente ka futura ne’ebé regula setór rekursus minerais.

Nune’e Kompeténsia regulasaun Autoridade Nasionál Minerais nian limita ona ba setór ne’ebé reguladu, no restrinje ba fiksasaun norma téknika operasionál sira, rekizitu sira ne’ebé h natureza administrativa ka regula inkumprimentu hosi rua ne’e, ho dependénsia no obediénsia ne’ebé rigoroza ba lei sira ne’ebé vigora, inklui, liuliu, ba efeitu hosi Artigu 157.º n. 2 Kódigu Mineiru.

Estinsaun Kompañia Mineira Timor-Leste, S.A. no kriasaun Murak Rai Timor, E.P.. Hodi konsidera indísius rikeza minerál, no aumentu signifikativu iha númeru privadus interesadus hodi investe iha setór rekursus minerais, sai imperativu fó ba Estadu mekanizmu nesesáriu sira hodi atua, ho forma efisiente, klara no transparente iha setór xave ekonomia nasionál ida-ne’e.

Haree ba prioridade no interese estratéjiku nasionál sira, tuir hatuur ona iha Programa Governu Konstitusionál IX rekomenda revizaun profunda ida ba forma partisipasaun Estadu nian iha Atividades Mineiras, hanesan liuhosi estinsaun Kompañia Mineira Timor-Leste, S.A, no kriasaun Emprea Públika ida ne’ebé bele atua iha setór ne’e ho forma plena no efikás, ho tutela no supervizaun efetiva hosi Governu.

Alterasaun dahuluk kona-ba Dekretu-Lei n. 33/2012, loron 18 fulan-jullu, ne’ebé kria Institutu Petróleu no Jeolójia. Hodi konsidera katak Institutu Petróleu no Jeolójia (IPJ) kria liu ona tinan 11 liubá, presiza atualiza ninia organizasaun no misaun, hodi garante melloramentu ba koñesimentu ne’ebé kontínuu kona-ba rekursus jeolójikus ezistente no posibilidade ba aproveitamentu sustentavel iha konseitu ekonomia sirkulár ida, ho ninia transformasaun iha Institutu Petróleu no Jeolojia.

Institut públiku ida-ne’e ho nia misaun prinsipál atu fó impulsu no realiza asaun investigasaun, demonstrasaun no transferénsia koñesimentu, asisténsia téknika no teknolójika, apoiu laboratorial no prestasaun servisus seluk ne’ebé dirije ba empreza sira, iha área jeosiénsias no geoteknolojias. (*)