Prezidente Tribunál Rekursu, Deolindo dos Santos hatete, lista ba kandidatu sira fixu ona tanba ne'e, halo sorteiu ba kandidatu sira.

"Depois horsehik mós fixa ona lista definitivu, ba kandidatu admitidus entaun ohin halo sorteiu ba kandidatu sira admitidu”, dehan nia iha Tribunál Rekursu, Kaikoli, kinta (17/02).

Kandidatu admitidu sira hanesan, Anacleto Ferreira, Ángela Freitas, Antero Bendito,  Armanda Berta dos Santos, Costancio Pinto,Felizberto de Araújo Duarte, Francisco Guterres Lú Olo, Hermes,  da Rosa Barros,   Isabel Ferreira, José Ramos, Milena Pires, Martinho Gusmão, Mariano Sabino,  Tito da Costa Cristovão Lere Anan Timur, Virgilio Guterres, Rogeiro Lobato Anacleto Ventu Pereirra.

Husi kandidatura sira ne’ebé aprezenta dokumentu ba TR hamutuk 17 no iha 16 admitidu atu avansa ba kompete eleisaun Prezidensiál, maibé kandidatu Luis Tilman la admitidu.

Tanba ne’e, TR deside hodi dada sorteiu ho rezultadu hatudu kandidatu Isabel Ferreira hetan númeru primeiru, Hermes da Rosa Barros hetan númeru Segundu, no terseiru mak  Ángela Freitas.

Kandidatu sira ne'e hanesan Ancleto Ferreira hetan númeru sorteiu (5), Ángela Freitas (3), Anterio Bendito da Silva (10), Armanda Berta dos Santos (9), Costancio da Conceicao Pinto "Terus" (11), Felizberto de Araújo Duarte (15), Francisco Guterres Lú Olo (6), Hermes da Rosa Barros (2), Isabel Ferreira  (1), José Manuel Ramos Horta (14), Martinho Gusmão (13) Mariano Asanami Sabino Lopes (16). Tito da Costa Cristovão Lere Anan Timur (8 ), Virgilio Guterres "Lamukan", (12), Rogeiru Lobato (4), Anacleto Bentu Perreira (5) no Maria Helena de Jesus Lopes hetan númeru sorteiu (7). (*)