Login to your account

Username *
Password *
Remember Me

UIF Sensibiliza Prevensaun Kombate BK no FT ba Jornalsita

Diretota Ezekutivu UIF, Maria José Sarmento, halo esplikasaun ba jornalista iha salaun plenaria KI, Kintal Boot, kinta (17/02). Diretota Ezekutivu UIF, Maria José Sarmento, halo esplikasaun ba jornalista iha salaun plenaria KI, Kintal Boot, kinta (17/02). Foto Tempo Timor

Tempotimor (Dili)-Banku Sentrál Timor-Leste (BCTL) liuhusi Unidade Informasaun Finanseiru (UIF) sensibiliza rejime prevensaun kombate Brankamentu Kapitál (BK) no Finansiamnetu Terorizmu (FT) iha Timor-Leste ba jornalista sira.

Tanba ne’e, Konsellu Imprensa servisu hamutuk ho UIF realiza Enkontru editoriál ho responsável órgaun no Meiu komunikasuan Sosiál hodi introduz kona-ba rejime juridiku ba prevensaun no kombate Brankamentu Kapitál no finansiamentu Terorizmu iha Timor-Leste, iha salaun Plenária KI, Kintal Boot, kinta (17/02).

Diretota Ezekutivu UIF, Maria José Sarmento hatete, programa sensibilizasaun ne’ebé halo hanesan introdusaun ba mídia sira kona-ba rejime jerál sira iha lei ne’ebé vigora dezembru 2011.

“Programa sensilibilizasaun ida ne'e, ami kontinua hala'o maibé aprezentasaun ida ne'e hanesan introdusaun ida ba jornalista sira liliu kona-ba rekezitu jerál sira ne'ebé hatur ona iha lei Anti Brankamentu Kapitál no Finansiamentu Terorizmu ne'ebé vigora ona desde dezembru tinan 2011”, dehan Diretór Maria iha salaun KI, Kintal Boot, kinta (17/02).

Ho ekontru ne’ebé halo atu habelar informasaun ba mídia sira iha atubele hasa’e koñesimentu jornalista sira ba prevensaun brankamentu Kapitál no Finansiamentu Terorizmu iha Timor-Leste.

“Objetivu mak habelar informasaun sira liuhusi setór mídia ne'ebé públika ona ba ema hothotu asesu no objetivu ida mós katak atu hasa'e koñesimentu tékniku e koñesimentu intelektuál jornalista ba materia prevensaun no kombate Brankamentu Kapitál no Finansiamentu Terorizmu iha Timor-Leste”, afirma nia.

Ho ida ne’e, agradese ba Konsellu Imprensa bele akomoda UIF nia programa sensibilizasaun iha forum editoriál ba dala rua iha tinan 2022.

Tanba Unidade Informasaun Finanseiru agradese tebes ba disponibilidade Konsellu Imprensa ne’ebé halo sorumutu iha fulan-janeiru liu ba hodi servisu hamutuk bele realiza programa no enkontru.

“Ami louva no hato'o ami-nia felisitasaun na Konsellu Imprensa dezempeña sira-nia kna'ar agora iha ona progressu lubun ne'ebé mak sira halo ona hanesan halo monitorizasaun no kapasitasaun ba jornalista sira husi fatin oioin”, dehan nia.

Prezidente Konsellu Imprensa Interinu, Expedito Loro Diaz Ximines hatete, Konsellu Impreensa agradese tebes ba BCTL ne'ebé hakarak fahe hanoin balun kona-ba saida mak mídia sira no orgaun sosiál sira preukupa.

Tanba iha mundu jornalizmu dala barak ema dehan jornalista sira mak hatene buat hotu maibé iha linguajen tékniku balun mak jornalista sira seidauk kompriende ho didi’ak nune' mosu dúvida iha leitór no audensia sira.

“Oportunidade ida ne'e, Banku Central fó biban mai ita atu besik liután kona-ba linguajen tékniku hanesan Brankamentu Kapitál no Finansiamentu Terorizmu, nune'e hakerek iha notísia hanesan jornál, Rádiu, Televizaun no Mídia online sira presiza esplika ho di’ak”, afirma Expedito.

Dadaun ne'e, jornalista aposta hela nia kualidade iha obra jornalitiku, maibé depende ba kapasidade profesionál, tékniku no kapasidade intelektuál.

“Objetivu enkontru ohin ne'e, mak atu responde ba kapasidade tolu ne'ebé mensiona iha obra jornalistiku. Kapasidade profésionál mak hanesan jornalista, kapasidade intelektual mak ita ida-idak nian no kapasidade tékniku mak ita tenke lé no rona barak”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter