Login to your account

Username *
Password *
Remember Me

FUP Konsidera Kaben Sedu Sai Abut ba Violénsia Doméstika

Diretóra Ezekutivu Fundasaun Uma Pas Baukau, Felismena Belo. Diretóra Ezekutivu Fundasaun Uma Pas Baukau, Felismena Belo. Foto Suplay

Tempotimor (Baukau)-Diretóra Ezekutivu Fundasaun Uma Pas Baukau, Felismena Belo konsidera, durante Fundasaun Uma Pas Baukau liuhusi halo indentifikasaun ba kazu violénsia doméstika ne'ebé mak númeru a'as, kauza husi joven sira ne’ebé kaben sedu.

"Dala barak ita indentifika mak ekonomia família ne'e primeiru, iha ida mak joven kaben sedu laiha planu, mais primeiru ne'e tan ekonomia, bainhira nia kaben sedu mós nafatin halai ba ekonomia, tanba laiha planu atu haree labarik oinsá atu organiza família tanba ne'e mak joven kaben sedu sai abut ba violénsia doméstika”, dehan Felismena, iha nia Kna’ar fatin Baukau, segunda (06/12).

Tanba liuhusi indentifikasaun no sosialiasaun iha nivél Munisípiu ne’ebé númeru aas ba violénsia domestika, iha Postu Administrativu Kelikai, Venilale, Baukau Vila, inklui mós husi Munisípiu Manatutu no Vikeke kazu hamutuk-106.

Razaun inklui Munisípiu seluk ne'ebé mak númeru violénsia domestiku uma pas Baukau rejistu hotu, tanba uma pas Baukau rasik sai hanesan fatin tranzitóriu ba vitíma sira hotu molok ba tuir julgamentu iha Tribunál.

Husi fulan-outubru to'o fulan-dezembru tinan 2021 hamutuk kliente na'in-17 ne'ebé mak Fundasaun Uma Pas Baukau rasik apresenta ba Tribunál husi kazu-17 ne'e, kazu balun la'o ona hodi kontinua hein desizaun finál.

Maibé antes ne'e mós Fundasaun Uma Pas Baukau servisu hamutuk ho Alfela lori kazu hamutuk-32 ba Tribunál.

"To'o ona Tribunál 32 kona-ba kazu paternál iha haat agora ba lima rezolvidu sira hetan atensaun husi parseiru ne'ebé husik hela sira”, hatete nia.

Dadaun ne'e mós vitíma sira liuhusi advogadu hodi fó hanoin ba la'en kaben sira ne'ebé mak abandona nia fe'en kaben tenke loke konta bankaria hodi fó asisténsia ba labarik sira-nia nesesidade maske la moris hamutuk hanesan fe'en la'en hodi haree labarik sira-nia nesesidade.

Uma Pas Baukau rasik hamosu tan livru manual ida atu halo edukasaun sivika liuhusi treinamentu iha baze ba joven liliu ba Inan Aman sira, kona-ba prevensaun no evíta joven kaben sedu inklui so'e bebé.

Tanba antes iha tinan 2020, Uma Pas Baukau rejistu kazu hamutuk-21 ne'ebé mak fe'en la'en konsege fahe malu hodi la'en kaben balun kumpri iha prizaun husi tinan-3 to'o tinan-8 tuir tipu kazu ne'ebé mak iha.

Alende ne'e hamosu tan programa asistensia legal (PAL) hodi akompaña vitíma sira iha Tribunál, Ministériu Públiku hodi akompaña rona desizaun no mós halo monitirizasaun vitíma sira-nia kazu.

Tanba dala barak mós vitíma sira ba Ministériu Públiku nomós iha Tribunál dala ruma tauk haree Advogadu no Juiz sira tauk la ko'alia sai problema saida mak sira enfreta.

"Tanba ne'e programa ne'e mosu, antes sira ba Tribunál hasoru malu ona ami-nia doútor oinsá bele hetan simulasaun badak kona-ba prosesu sira ne'e”, hatete nia.

Entertantu Uma Pas Baukau tinan-2021 rejistu kazu hamutuk-106 husi númeru ne'e violénsia domestika mak númeru a'as, enkuantu kazu menoridade hamutuk-24 vitíma balun kontinua halo prosesu iha Ministériu Públiku, iha mós vitíma na'in-10 kontinua iha Uma Pas Baukau, restu re-integral ona ba família, maibé iha familia-7 mak haruka ba instituisaun Salele, Fokupers no Casa Vida, tanba kazu insestu. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter