Login to your account

Username *
Password *
Remember Me

Horta Husu Hapara Violénsia Doméstika Hasoru Feto no Labarik

Prezidente Repúblika (PR), José Ramos Horta. Prezidente Repúblika (PR), José Ramos Horta. Foto Suplay

Tempotimor (Dili)-Prezidente Repúblika (PR), José Ramos Horta husu ba Timoroan atu kontinua buka hapara situasaun violénsia domestika hasoru feto no labarik sira iha Timor-Leste.

“Ita hothotu tenke buka atu kontribui atu hapara violénsia domestika iha rai ne'e, violénsia kontra labarik sira, violénsia kontra feto sira, violénsia hothotu no oioin”, dehan nia hafoin partisipa iha serimónia “Pride March ka Marsa Diversidade husi  edifísiu Sekretáriu Estadu Juventude no Desportu (SEJD) ba Palásiu Prezidensiál, sesta (29/07).

Nu’udar Prezidente Repúblika, sente triste wainhira haree ba situasaun komunidade no membru sira ne'ebé hetan violénsia hanesan ko'alia ona no iha istoria barak, tanba rai ne'e terus barak iha nia istória, no terus barak ona ba violénsia domestika.

Maibé iha diskursu ne'ebé iha hothotu hola parte iha umanidade, hothotu maromak nia oan, hothotu povu nia oan, labele iha deskriminasaun, labele iha violénsia tan, husik ba idaidak hakarak moris oinsá-oinsá.

“Ne'e mak ha'u nia fiar, Timor-Leste tenke hatudu duni modelu ida ka ezemplu ida ba respeitu, toleransia, ba ita-nia alin-sira, oan-sira ne'ebé hola parte iha komunidade ne'e, komunidade ida di'ak tebtebes ALZEDETI, ho Membru ho kakutak. Matenek ho Domin ba rai ida-ne'e mós kontribui”, hatete nia.

Prezidente Repúblika mós koiñese ema lubuk ida, sempre hasoru malu, sempre ko'alia, tinan sira-nia laran ne'e, maibé ba Xefe Estadu ne'e iha absolutamente normál, la'ós normál kuandu iha violénsia, la'ós normál kuandu iha deskriminasaun, nomós la'ós normál kuandu deskrimina relijiaun seluk, hakarak tenke relijiaun, nomós la'ós normál kuandu ema hakribi’it ba ema ne'ebé fiar buat seluk.

Maibé rai ida-ne'e hanesan ko'alia bebeik ona katak Xefe Estadu semroe defende ida-idak nia hanoin, halalok ne'ebé nia rasik mak hili.

Tanba ne'e, labele iha violénsia iha sosiedade ida-ne'e, labele iha deskriminasaun, tanba Governu, Parlamentu ho Igreja, sosiedade Sivíl ho parseiru Internasionál sira, ho Embaisadór Austrália, Embaisadór Nova Zelándia, Embaisadór Estadu Unidu nomós iha komunidade estranjeiru lubuk-ida iha-ne'e, halo parte iha embaixada, no nasaun unidus, ne'ebé servisu iha-ne'e, mai husi rai barbarak iha mundu hatudu diversidade mundu nian, Timor-Leste iha deversidade oioin, ne'ebé sempre respeita ba ida-ne'e.

“Purtantu simu imi iha ne'e fatin ida-ne'e jardin ke partense ba ita-nia sidade, ke pretense ba rai ida-ne'e, e pretense ba povu ida-ne'e, bele mai halo atividade iha ne'e, para anima tan ita-nia vida ita-nia sosiedade, ita-nia sidade tenke sai duni modelu ida respeitu”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter