“Tanbasá mak ita tenke kontinua reziste, aprende no produz hodi fó benefisiu ba ita-nia rain?. Saudozu Vicente Reis "Sahe" temi hela palavra de ordem ida ne’e ‘união faz a forca para a nossa conquista’. Se nune’e duni iha relasionamentu ba ita-nia sorumutu lei Medida Prevensaun Kombate Korrupsaun (MPKK ita hothotu seidauk iha esperiénsia ba implemntasaun lei MPKK nian. Ita hotu tenke reziste no buka hatene hodi produz”, dehan Komisáriu Sergio iha Salaun Administrasaun Munisípiu Ermera-Gleno, ne'ebé www.tempotimor.com asesu iha pájina ofisiál KAK, sábadu (04/12).

Iha luta foun ne’e, Timoroan sira mós presiza re-vizita prinsípiu tolu (3) iha luta rezisténsia pasadu nian, “Rezistir, Aprender e Produzir” atu hakat ba pasu foun Timoroan tomak feto no mane sira-nian iha implementasaun Lei Nu. 7/2020 Medida Prevensaun no Kombate Korrupsaun- MPKK.

Lei MPKK ne’ebé iha hela sidadaun nia leet, ne'ebé tenta atu reziste, buka hatene, hodi nune’e aprende lisaun sira, komprende lei ne’e hodi fó dalan ba oin atu produz efeitu pozitivu ruma ba rain no moris di’ak povu nian.

Tanba ne’e, Timoroan sira mós tenke rekomunga filafali liafuan lulik husi saudozu sira-nia liafuan ne'ebé aplika iha tempu rezisténsia nian.

“Ita (Timoroan) hothotu (feto no mane) presiza halo reinvensaun ba ita-nia aman fundadór nasaun Na’i Prezidente Saudozu Nicoloo Lobato ne’ebé hatete Sabemos Podemos, Devemos Vencer ho ninian Camarada Saudozu Vicente Reis ‘Sahe’ ho ninia kamarada sira seluk nia palavra de ordem ne’ebé hatete mós a União Faz a Forca Para a Nossa Conquista”, hatutan nia.

Luta foun Timoroan sira hafoin marka istória eróiku iha Luta Libertasaun Nasional pasadu durante tinan 24 nian laran mak Luta Kontra Korrupsaun. Luta foun ida ne’e Timoroan sira presiza komunga filafali palavra sagradu husi fundadór nasaun Republika Demokratika Timor-Leste (RDTL) Prezidenti Nicolau Lobato “Sabemos Podemos, Devemos Vencer” no Vicente Reis “A Uniaun Faz a Forsa Para a Nossa Conquista”.

Deklara ne’e fó sai, tanba funsionariu públiku nu’udar servidór povu no Estadu Timor-Leste wainhira sai oradór prinsipá iha programa sensibilizasaun Lei Medida Prevensaun no Kombate Korrupsaun (MPKK) ne’ebé Komisaun rasik organiza ho tópiku sentrál “Hasae Koñesimentu Ajente Públiku Kona-ba Lei MPKK. (*)