“Ho Dekretu-Lei ne’e, Governu, ho autorizasaun lejislativa ne’ebé fó husi Parlamentu Nasionál (liuhusi Lei nu. 3/2021, loron 2 fulan-marsu), sei fó fleksibilidade ida ne’ebé boot liuba faze saneamentu husi prosesu nian, liliu kona-ba preparasaun audiénsia diskusaun julgamentu, no sei kontribui ba dezkonjestionamentu justisa sivíl”, dehan Ministru Prezidénsia Konsellu Ministru, Fidelis Leite Magalhães, iha palásiu Governu, kuarta (04/08).
Ho alterasaun ne’e, mantein faze saneamentu hanesan faze prosesuál intermédia husi prosesu, maibé ne’e la nesesária tenke bazeia iha espesifikasaun no iha kestionáriu, ho eskema preparativu alternativu sira.
Tanba selesaun husi eskema preparatóriu ba audiénsia diskusaun no julgamentu nian mak halo husi juiz, lihusi despaxu ne’ebé laiha dalan ba rekursu, tuir opsaun ne’ebé iha situasaun konkreta, adekuada liuba karasterístika konkreta sira litíju nian. (*)