Prokuradór Jerál Repúblika (PJR), Alfonso Lopez hatete, kazu ne'ebé sai viral los iha mídia ka jornál kona-ba inan-feton iha Vikeké ne'ebé ko'a laen nia 'sasan lulik' agora iha ona prizaun preventiva.
"Ita hotu akompaña viral iha mídia no ita-boot sira sita iha jornál ne'e, ida liliu ba ita-nia inan-feton iha Vikeké, deskulpa, nia ko'a laen nia pe..is (oin lulik) ne'e, agora nia tama ona prizaun preventiva”, informa Alfonso hafoin sorumtu ho Prezidente Repúblika, Francisco Guterres 'Lú Olo', iha palásiu prezidensiál Bairopite, tersa (06/07),
Vítima ne'e, naton transporte ba opital referal Baukau maibé tanba grave mak kontinua transporte mai Hopital Nasionál Guido Valadares (HNGV).
"E portantu tanba neksu kazualidade antes nia ko'a, ita kala rona ne'e, ita-boot sira mak sita ne'e, jornál ita respeita segredu justisa, investigasaun la'o tanba nia iha indisius ne'e, ida vítima ne'e mós halo abuzu seksual ba menor ne'e”, esplika nia.
Tanba ne'e liu tiha loron ida, nia (oan feto) hato'o ba nia inan entaun iha kalan momentu ne'ebá, uniku solusaun nia (inan) halo justisa ba nia hanoin, nia partisipa sira akompaña tuir akontesementu ne'e.
"Dalabarak ita-nia vítima sira ne'e, ita-nia ema sempre iha remota, atu ba keixa ne'e dalan ita hatene, se ai-laran remotas ba keixa, ba postu polísia liliu ba prokuraria tribunal ne'e mós la'ós fasil, haree mós ita-nia ambiente liliu ba abuzu seksual menor, uma laran, la iha korajen atu halo keixa”, hatete nia. (*)