Login to your account

Username *
Password *
Remember Me

Hadau Malu Rai, TDB Aplika Prizaun Preventiva ba Benjamin ho Serjio

Arguidu na'in-3 tur hela iha Tribunál Distritál Baukau laran, sesta (03/06). Arguidu na'in-3 tur hela iha Tribunál Distritál Baukau laran, sesta (03/06). Foto Tomas Freitas

Tempotimor (Baukau)‐Tribunál Distritál Baukau (TDB) aplika prizaun preventiva ba arguidu Benjamin Guterres ho Serjio António Guterres no Termu Identidade Rezidénsia (TIR) ba Valente, tanba hadau malu rai ho Rui no rejulta Cornelio oan husi Rui hetan kanek, iha Suku Home, Postu Administrativu Lautém, Munísipiu Lautém.

Tuir kronolojia, iha loron 01 fulan-juñu tinan-2022, vítima Rui Fernandez hamutuk ho nia feen (kaben) halo hela lutu toos nian iha área Vese, Suku Home, maibé derepente arguidu Valente ho nia oan mane Benjamin Guterres ho Serjio António Guterres ba haksesuk malu ho sira, tanba konsidera toos ne’e, partense ba arguidu.

Iha situasaun haksesuk malu, arguidu Serjio António Guterres ho nervoju tebe kanuru suru rai nian no kona kedas iha Rui nian ain, nune’e Rui halai ba atu hato’o keixa iha Polísia Nasional Timor-Leste, ne’ebé besik.

Maibé, argudu na’in-3 hein kuaze oras tolu, membru PNTL la mosu iha fatin, entaun sira desidi fila hikas ba uma no to’o iha dalan klaran, derepente de’it vítima Rui ho grupu hein ona iha dalan ho hanoin atu asaltu arguidu sira.

Konfrontasaun ne’e, arguidu Serjio hadau samurai husi vítima Rui nia oan mane ho naran Cornelio no rejulta Cornelio nia liman kanek, nune’e parte husi vítima Rui ba hato’o kedas keixa iha Eskuadra PNTL Lautém.

"Entaun sira sai tiha fali hanesan arguidu, maibé realidade iha tereñu ne'ebé mak mosu, grupu ida agora dadauk sai fali vítima ne'e asaltu sira," dehan Defensór Públiku, José Delima iha kna'ar fatin vila nova Baukau, segunda (06/06).

Kazu ne’e, halo ona prosesu primeiru interogatóriu iha TDB no desidi aplika prizaun preventiva ba arguidu Benjamin Guterres ho Serjio António Guterres no Termu Identidade Rezidénsia (TIR) ba Valente.

"Primeiru interogatóriu, medida koasaun ne'ebé Tribunál aplika ba sira mak tenke tama prizaun preventiva, só Valente mak sira aplika Termu Identidade Rezidénsia (TIR), informasaun katak, nia la involve, Benjamin Guterres ho Serjio António Guterres mak halo kanek sira, entaun aplika prizaun preventiva, artigo ne'ebé amesa ba sira rua mak 146 ofensas integridade grave, alende mós lei arma branka nia lei nu.05/2017 artigo 20 alina 1 no 2," dehan Defensor Públiku José Delima. iha kna'ar fatin vila nova Baukau, segunda (06/06).

Dadaun, arguidu na'in-2 iha ona prizaun preventiva, maibé parte defeza mós sei halo rekursu atu altera tiha medida koasaun ne'ebé TDB aplika, tanba parte defeza haree la'os arguidu na'in-2 mak autór ba kazu.

Entretantu julgamentu ne'e, iha loron 03 fulan-juñu tinan-2022, prezide husi juiz José Escurial, prokuradór Amrozio Freitas Rangel no arguido na'in-2 hetan defeza husi Defensor Públiku José Delima. (*)

Rate this item
(0 votes)
Last modified on Monday, 06 June 2022 16:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter