Login to your account

Username *
Password *
Remember Me

TDB Aplika Prizaun Preventiva ba Arguidu Na'in 2 Involve Kazu Loré I

PNTL Lautém hasai hela borgol husi suspeitu na'in-5 nia liman, ne’ebé tur hela iha TDB, kuarta (04/01). PNTL Lautém hasai hela borgol husi suspeitu na'in-5 nia liman, ne’ebé tur hela iha TDB, kuarta (04/01). Foto Tomas Freitas

Tempotimor (Baukau)-Tribunál Distritál Baukau (TDB) aplika privazaun preventiva ba arguidu na'in-2, ne’ebé involve kazu tuda malu iha Suku Loré I, Postu Administrativu Loré, Munisípiu Lautem.

Kazu ne’e, akontese wainhira tinan tuan 2022 iha oras tuku 00:30 ba tinan Foun 2023 joven sira ida-idak ba vizita família hodi kaer liman mak mosu konflitu tuda malu, konsege sidadaun mate, tanba hetan tuda iha parte hirus matan, ne'ebé dadaun hala'o hela autopsia iha Ospitál Nasionál Guido Valadares Dili.

Hafoin akontesementususpeitu na'in-5 aprezenta aan iha Komandu Polísia Nasionál Timor-Leste (PNTL) Munisípiu Lautem hodi kumpre 72 oras, no ohin PNTL lori kedan suspeitu na'in-5 aprezenta ba Ministèriu Públiku (MP) Baukau hodi kontinua ba TDB tuir prosesu Primeiru interogatóriu, tanba deskonfia autór.

Entretantu, suspeitu na'in-5 ho naran inisiál JS idade-18, NR idade-22, SA idade-17, RT idade-16, MG idade-15 no Vítima ne'ebé mate iha oan na'in-3 ho naran Deonizio Brazil.

"Ohin medida koasaun ne'ebé Tribunál aplika, na'in-2 ba prizaun prentiva, na'in-3 mak aplika TIR (Termu Identidade Rezidensia), semana ida sira na'in-3 aprezenta aan iha Polísia", dehan Defensor Públiku António Fernandes iha resintu TDB hafoin remata julgamentu, kuarta (04/01).

Arguido na'in-2 ne'ebé TDB aplika medida ba prizaun preventiva mak, JS idade-18 no NR idade-22.

Ba kazu refere, MP akuza arguidu na'in-5 ho krime Omesidu ne'ebé previztu iha artigu 138, Ofensas Integridade Fizika Grave iha artigu 146, inklui Ofensas Integridade Fizika Simples previztu iha artigu 145, ne'ebé TDB rejistu ho númeru nuc.01/2023

Julgamentu ba primeiru imterogatoriu ne'e prezide husi jiuza Jumianti Maria Freitas, reprezentante MP Abrogio, suspeitu na'in-5 hetan defeza husi António Fernandes. (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter