Login to your account

Username *
Password *
Remember Me

Kada Tinan, Kazu Insestu Aumenta iha Munisípiu Tolu

Sekretária Estadu Igualdade no Inkluzaun (SEII), Maria do Rosario Fátima Correia. Sekretária Estadu Igualdade no Inkluzaun (SEII), Maria do Rosario Fátima Correia. Foto Tempo Timor

Tempotimor (Dili)-Sekretária Estadu Igualdade no Inkluzaun (SEII), Maria do Rosario Fátima Correia hatete, kazu insestu kada tinan nia númeru aumenta iha Munisípiu tolu hanesan Lautein, Likisá no Covalima-Suai.

“Kazu insestu ne'ebé kada tinan aumenta nia númeru aas mak aman ne'ebé mak halo violasaun sexuál ba nia oan rasik ne'ebé akontese iha munisípiu tolu hanesan Munisípiu Lautein, Likisá no Suai. Kazu insestu sei barak ita hanoin katak bele reduz maibé kada tinan aumenta ba beibeik oinsá mak Governu iha responsabilidade hodi kria artigu espesifiku ida ba kazu insestu ne'e rasik”, dehan Sekretária Estadu Maria Correia ba jornalista sira iha Salaun SEKOMS, Pálasiu Governu, kinta (21/04).

Tanba ne’e, SEII halo advokasia mós iha planu asaun nasionál iha área tematika tolu halo koordenasaun ho servisu hamutuk asisténsia legál hanesan ALFELA, Fokupers no uma Mahon fatin hakmatek ba vítima sira ne'ebé mak hetan kazu violénsia inklui mós insestu ne'e rasik.

“Husi ha’u-nia vizita wainhira ha’u simu pose, ha’u ba ONG sira ne'ebé mak ha’u mensiona kuaze kada tinan kazu insestu ne'e sempre iha, husi kazu totál 140 kazu pursentu por ezemplu kada tinan ida, kazu insestu ne'e dala barak iha sanulu bele akontese kazu barak liu mak iha Munisípiu Lautein, Likisá ho Suai, iha Dili mós iha maib’e dala barak maibé ema la relata maibé ne'ebé mak iha dadus mak kuaze ke munisípiu ne'ebé ha’u temi kazu ne'e barak tebtebes”, haktenik nia.

Tanba dalaruma haree iha Munisípiu Lautein kazu insestu dala barak sira la deskobre tanba tauk ho presaun ne'ebé mak aman halo ba oan rasik, kazu akontese kuaze oan feto na’in-4 ka lima mak sai vítima ba nia aman nune’e kazu ne'e foin akontese iha tempu Indonézia, hafoin deskobre iha 2015, konsege kazu sira ne'e refere hotu mai iha sistema formal no nia aman hetan duni Pena ba iha 24 Anos.

“Ita espera katak ho prezensa oitavu Governu nian halo advokasia atubele iha artigu espesifiku ba kazu insestu ne'e rasik, tanba bain-bain ita-nia autór tribunál sira liliu prokuradór sempre akuza ho kazu abuza sexuál, mais ita hakarak iha kazu insestu ne'e rasik, maibé ida ne'e SEII nia papel atu advokasia ba kazu refere”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter