Provedora Diretru Umanu no Justisa, Jesuina Maria Ferreira Gomes hatete, kazu hamutuk 246 PDHJ konsege rejista, 152 kona-ba violasaun diretu umanu no 94 kona-ba boa governasaun nian.
"Iha 2020, PDHJ rejista keixa hamutuk 246, no 94 iha área boa governasaun nian, no 152 kona-ba diretu umanu nian”, informa nia iha Parlamentu Nasionál, kuarta (23/6).
Aleinde iha fulan-jeneiru to'o juñu tinan 2021, PDHJ rejista keixa hamutuk 76 husi kazu boa governasaun 34, no indisiu violasaun diretu umanu hamutuk 42.
Maibé liga ba implementasaun serka sanitária no konfinamentu obrigatóriu PDHJ rejista keixa hamutuk 8 foka ba atuasaun membru Polísia Nasionál nian hamutuk 7, no ida kona-ba boa governasaun.
"Ne'e liga implementasaun estadu emerjénsia ka serka sanitária nian, ida 76 ne'e ida keixa en jerál”, hatete nia. (*)