"Ne'ebé ha'u informa ona ba Prezidene Parlamentu Nasional katak PDHJ konklui ona investigasaun ba sidadaun ne'ebé mate iha sela detensaun Kaikoli ne'e," dehan Povidora Diretu Umanu no Justisa (PDHJ), Jesuina Ferreira Gomes iha Parlamentu Nasional (PN), sesta (21/10).

PDHJ mós redus ona relatoriu kona-ba investigasaun ida-ne'e no ofisialmente sei halo públikasaun iha loron 27 fulan-outubru, tuku 3 lokraik.

Prosesu públikasaun ne'e, sei konvida, Primeiru Ministru no Ministru Interior, Taur Matan Ruak, Parlamentu Nasionál (PN), Komandate Jeral PNTL, inklui Ministériu Públiku.

Tanba, iha relatoru ne'e mós PDHJ fo rekomendasaun ba sira atu bele implementa tuir rezultadu saida mak hakerek ona iha relatóriu laran.

Maske kazu krime ne'e kabe ba kompeténsia Ministériu Públiku ho entidade sira ne'ebé Ministériu Públiku delega ba, maibé PDHJ haree liubá violasaun diretu umanu ho violasaun ba boa governasaun.

"Ami sei la tama to'o iha prosesu krime, maibé nia rezultadu investigasaun ne'e ita-bo'ot sira bele akompaña iha dia 27 lokraik iha sala biblioteka PDHJ nian," nia esklarese. (*)