“Durante ne'e ita la'o ho estadu emerjénsia, serka sanitáriu, konfinamentu obrigatóriu, ita la'o ho forma ne'ebé mak ha'u dehan katak, muitu reduzidu serbisu ne'ebé mak ki’ik liu, tanba ita halo atendimentu prosesu urijinte de'it”, dehan Deolino hafoin sorumutu ho Prezidente Repúblika, Lú Olo iha palásiu prezidensiál, Bairopite, tersa (15/06).

Tanba ne’e, enkontru mensal ne'ebé hala'o iha fulan-juñu ho Prezidente Repúblika, Francisco Guterres 'Lú Olo' atu ko'alia kona-ba, servisu iha Tribunál nian hafoin haree mós ba jestaun Tribunál nian ho ezekusaun orsamentu Jerál Estadu (OJE) 2021.

Maske prepara prosesu ne'ebé iha tenke la'o no lábele la'o tanba haree ba prezu de'it ba prosesu krime sira sivíl ne'ebé urjente.

“Ho ida ne'e mak ha'u hato'o ba Prezidente Repúblika katak, prosesu la'o ne'e mínimu liu, ita tenta fali atu reativa fali servisu iha fatin balun la'o normál, ezemplu tribunál móvel sira iha munisípiu, mais nia rezultadu lá máximu, tanba semana liuba ne'e sira ba Maliana mós lá máximu, relasaun ho situasaun ne'ebé mak ita hasoru hela hanesan, serka sanitáriu ho konvinamentu obrigatáriu”, esplika nia.

Maibé esperansa ba oin Tribunál, tempu badak sei iha mundansa ba polítika planeamentu governu nian kona-ba situsaun governu nian.

“Tribunál mós sei halo esforsu ne'ebé mais intensivu atu filafali ba situsaun normál hanesan babain, tanba justisa ne'e ita labele husik kleur hela de'it, enkuantu ema mai husu ema-nia direitu bazeia ba prosesu nia laran”, dehan Deolindo.

Alende ne'e, servisu jestaun tribunál nian ne'ebé la'o ho di'ak, mesmu iha difikuldade balun kona-ba ezekusaun orsamentu 2021 nian iha prosesu.

“Orsamentu iha 2022, ita hanoin atu halo buat seluk ne'ebé atu loke espasu ba tribunál hodi loke tan fatin balun atu lori justisa ne'e besik liután ba populasaun “, dehan nia. (*)