“Ha’u hanoin lei droga ninian ne’e iha ona presiza iha kestaun balun ne’ebé ita presiza haree para buat ne’e ho forma mais kompleitu, tanba iha kestaun balun ne’ebé mak la haree ho di’ak, entaun buat ne’e la eziste iha ne’ebá, mezmu ke tuir loloos labele eziste, mas komu la eziste entaun haree fila fali buat ne’e para bele regula ho forma ne’ebé maka detalladu”, dehan Prezidente Tribunál Rekursu, Deolindo dos Santos, iha Palásiu Prezidensiál Bairru-Pité, Segunda (15/4).
Maski nune'e, ne’e kompetensia Governu no Parlamentu Nasional nian, ne'e duni PTR lakohi antesipa opiniaun konkreitu uluk ba públiku oinsa atu halo kompleta ba lei ne’e.
“Ha’u nu’udar ema téknku ida labele antesipa ha’u nia opiniaun ba públiku, mezmu ha’u hatene hela katak buat ne’e iha kuak balun ne’ebé sei presiza atu taka ida ne’e no ida ne’ebá”, tenik Deolindo.
Maibe liga ba lei ne’e kometensia propriu Governu no Parlamentu Nasionál nian para haree no foti médida ne’ebé di’ak hodi asegura no fó forsa ba lei ne’e.