Login to your account

Username *
Password *
Remember Me

KAK ho MAPKOMS Sensibiliza Lei MPCC ba Funsionáriu  

Komisaun Anti Korrupsaun (KAK) sensibiliza lei Medida Prevensaun Kombate Korrupsaun (MPCC) ba  dirijente no funsionáriu sira iha MAPKOMS. Komisaun Anti Korrupsaun (KAK) sensibiliza lei Medida Prevensaun Kombate Korrupsaun (MPCC) ba dirijente no funsionáriu sira iha MAPKOMS. Foto Suplay

Tempotimor (Dili)-Komisariu Komisaun Anti Korrupsaun (KAK) simu karta konvite husi Ministru Asuntu Parlamentar Komunikasaun Sosiál(MAPKOMS), Fransisco Jeronimo ne’ebé husu sensibiliza lei Medida Prevensaun Kombate Korrupsaun (MPCC) ba nia dirijente no funsionáriu sira.

Tuir informasaun ne’ebé www.tempotimor.com, asesu iha pájina KAK, sesta (12/08) katak, Komisáriu KAK, Sergio Hornai hamutuk ho Komisáriu Adjuntu Prevensaun no Sensibilizasaun, Luis Sampaio akompaña husi Xefe Unidade Inspeksaun no Monitorizasaun Antonino Alves, realiza sensibilizasaun lei Númeru. 7/2020-MPCC ba servidór públiku kargu xefia no funsionáriu MAPKOMS nian iha Salaun Muzeu Rezisténsia Kolmera-Dili.

Objetivu prinsip husi konvite ida-ne'e, MAPKOMS hakarak buka entende detallu no di’ak liután provizaun sira espesifiku ba lei MPCC, liliu iha konteúdu sira ne’ebé ko’alia kona-ba medida sira prevensaun korrupsaun ninian no iha rejime Deklarasaun Rendimentu, Bens no Interese (DRBI).

Servidór Públiku, liliu kargu xefia sira iha Ministériu ne’e kuaze hothotu deklara ona sira-nia rikusoin mai iha KAK hafoin Komisaun hala’o lansamentu ba sistema rejistu online iha fulan-fevereiru liu-ba, tanba ho menus koñesimentu ba konteúdu lei refere mak MAPKOMS hakarak konvida filafali Komisaun sensibiliza lei refere hodi hakle’an no aperfeisoa sira nia koñesimentu no sensivel ho sistema foun refere.

Iha programa sensibilizasaun hato’o breve palavra husi Komisáriu Sergio Hornai no Ministru Fransisco Geronimo, no aprezenta matéria lei MPCC husi Komisáriu Adjuntu Sampaio.

Hafoin termina aprezentasaun lei MPCC ba kargu xefia no funsionáriu sira iha MPAKOMS, Komisáriu Adjuntu Sampaio prezume katak, lei medida prevensaun no kombate korrupsaun fó enfaze liu ba asaun prevensaun.

Adjuntu Sampaio hatete, asaun prevensaun ba servidór públiku sira atu la monu ba tipu krime korrupsaun sira mak obrigadu deklara sira-nia rikusoin.

“Atu ita hotu labele tama ba asume responsabilidade kriminál, ita kumpre de’it deklara ita-nia rikusoin, no ne’e ita sei la to’o ba tipu sira krime korrupsaun nian”, katak nia.

Partisipa iha eventu sensibilizasaun ne’e ho totál dirijente no funsionáriu públiku sira hamutuk na’in-69, kompostu husi funsionáriu MAPKOMS, TATOLI,IP no RTTL, EP. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter