Login to your account

Username *
Password *
Remember Me

MTKI Partisipa Sosializa Regra Distribuisaun Ai-hán Sesta Bázika

Atividade soslializasaun ne'ebe hala'o iha CCD.  Atividade soslializasaun ne'ebe hala'o iha CCD. Foto Suplay

Tempotimor (Dili)-Ministériu Turizmu, Komérsiu no Indústria (MTKI) no Sekretária Estadu Kooperativa (SEKOOP) partisipa iha desiminasaun no sosializasaun ne’ebé oferese husi parte legal kona-ba implementasaun programa Sesta-Bázika dekretu-lei númeru 10/2022, 4 de marsu.

Tuir informasaun ne’ebé www.tempotimor.com, asesu iha pájina MTKI, sábadu (13/08) katak, sosializasaun ne’ebé halo atu ba oin bele fasilita ekipa sira iha terrenu hala’o servisu.

Partisipante sira ne’ebé mak partisipa iha sosializasaun ne’e, mai husi estaf MTKI husi munisípiu Likisá, Bobonaro no nasionál, inklui mós ekipa husi SEKOOP no MKAE nian.

Iha abertura, Diretór Jerál Komérsiu, Ministériu Turizmu, Komérsiu no Indústria, Cosme Fátima Baptista da Silva, husu ba ekipa tékniku husi Ministériu ba programa Sesta Bázika husi nasionál to’o munisípiu atu entende ho di’ak dekretu-lei ne’ebé mak define sobre distribuisaun sesta bázika faze daruak, alende ne’e benefisiárius ne’ebé mak iha direitu atu simu sesta bázika.

Iha-ne’e, José Manuel Andrade, nu’udar legál aprezentasaun kona-ba enkuadramentu legál Implementasaun Programa Sesta Bázika bazeia ba Dekretu-Lei númeru 10/2022, de 4 Marco.

Nune’e Sara Lobo nu’udar mós legál aprezenta kona-ba distribuisaun, avaliasaun, monitorizasaun durante distribuisaun Sesta Bázika.

Husi dekretu-lei ne’e, iha tan despacho Conjunto lubuk ida ne’ebé mak aplika ho kompozisaun produtu no presu Sesta Básica nú. I/MTCI/ SECOOP/2022 de 31 de Março, Define komposisaun no presu máximu produtores ne’ebé integra iha Cesta Básica.

Despacho Conjunto númeru II/MTCI/SECOOP/2022 de 01 de Abril, Determina faze lansamentu distrubuisaun sesta bázika.

Despacho Conjunto de Lista Beneficiários nú. III/MTCI/SECOOP/2022 de 13 de Maio, aprova listas benefisiárius, medidas reforsa distribuisaun cesta bazika.

Tanba Despacho Conjunto de Composição da área geográfica númeru IV /MTCI/SECOOP/2022 de 13 de Maio, define área jeográfikas no responsabilidade kada entidade implementadora ba distribuição cesta básica.

Iha despacho Conjunto núumeru V/MTCI/SECOOP/2022 de 19 de Maio. Aprova modelu kontratu kadernu enkargu liuhusi aprovizionamentu produtu cesta básica. Tanba despacho Ministerial númeru I/2022, de Abril de 29 do Ministro do Turismo, Comércio e Indústria.

Ba kriasaun Grupu Traballu nian hodi apoiu matéria distribuisaun no ezekusaun programa Sesta Bázika iha terenu.

Kordenadór-jerál Plau no ezekusaun Sesta Bázika, Hernani Agostinho Soares, hato’o iha nia aprezentasaun, husu nafatin ba ekipa atu entende didi’ak polítika implementasaun Sesta Bázika faze daruak depois Timor-Leste, hasoru pandemia globál COVID-19 no kalamidade públiku ne’ebé afeita ba estragu no oho povu balu no Timor-Leste enfrenta krize polítika.

Husi asuntu tolu ne’e povu mak vítima liu, tanba ne’e iha tempu ne’eba hamosu subsídiu oioin, inklui fahe ai-hán ba povu. Hafoin ne’e iha peskiza hatudu katak presiza iha kontinuasaun, tanba ne’e Parlamentu Nasionál hamosu proposta tau orsamentu 80 millaun dolares Amerika ba entidade estadu rua mak implementa.  

Kordenadór Hernani esplika, objetivu husi programa sesta bázika, hadi’a Ekonomia Nasionál ho Medida sira hanesan estimula sirkulasaun moeda (osan) iha komunidade hodi hasa’e podér sosa, estimulasaun oferta no prokura ba produtu lokál sira (hasa’e uza produtu lokál iha rai-laran).

Tanba ne’e estimula hodi haburas indústria primária, sekundária no tersiária liliu mikro, pequena, media no grande empreza iha rai-laran.

Hadi’a cash flow kompaña nian atu nune’e sira bele kria nafatin kampu raballu ba Timoroan sira, hasa’e númeru negosiante nasionál.

Ba estimula sidadaun sira hodi konsumu produtu lokál atu nune’e bele redúz osan suli ba rai-liur (capital flight).  

Iha-ne’e sira Mellora kreximentu ekonómiku liliu haforsa siguransa alimentar. Estimula fortifikasaun ai-hán liliu produsaun ai-hán iha laran aumentu. Tanba haree ba estimula sirkusaun produtu-lokál iha merkadu, no aumenta produtu sira nia-nutriente.

Durante sosializasaun ekipa sira hala’o mós simulasaun kona-ba oinsá implementasaun iha terrenu. (*)

Rate this item
(0 votes)
Last modified on Saturday, 13 August 2022 13:00
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter