Tempotimor (Dili) – Prezidente Kámara Komérsiu Indústria Timor-Leste (CCI-TL), Oscar Lima dezafia joven Timor-Leste kria kampu servisu ba an rasik. Nia dehan, labele hein de'it atu sai funsionáriu públiku.

Tempotimor (Dili) – Universidade Nasionál Timor Lorosa'e (UNTL) liuhusi Fakuldade Ekonomia no Jestaun (FEG), haruka tan estudante finalista hamutuk 72 hodi kompleta estudu liuhusi estájiu iha Postu Administrativu Laclubar, Munisípiu Manatuto.

Dekanu FEG, Costódio Ximenes hatete, estájiu nu'udar prosesu ida ne'ebé UNTL estabelese ona hodi halo kompleta estudante sira nia estudu, bazeia ba ai-riin universidade nian. 

"Prinsipalmente estájiu ne'e programa ne'ebé mak UNTL halo tiha ona dezde UNTL hahú no fixu ne'ebé implementa iha kada fakuldade no kada tinan," dehan Costódio Ximenes iha kampus Ekonomia UNTL, Sesta (26/07/2019). 

Estudante sira ne'ebé ba estájiu iha Postu Laclubar, tuir Ximenes fahe ba suku tolu hanesan; Matara, Orlala no Funar. Kada suku, desloka estudante hamutuk 24," nia tenik. 

Durante hala'o estájiu servisu sosiál ne'e, estudante sira bele aplika saida mak durante ne'e sira aprende ona iha universidade hodi aplika hamutuk ho komunidade sira iha Postu Administrativa Laclubar. 

Entretantu estajiáriu Santiago da Silva dehan, estájiu servisu sosiál parte ida husu estudu, entaun saida mak nia aprende ona iha universidade, bele implementa hamutuk ho sosiedade.

Tempotimor (Dili) – Ministra Solidariedade Sosiál no Inkluzaun (MSSI), Kinta (25/07/19) asina tan akordu kooperasaun ho instituisaun solidaridade hamutuk 35 ho montante orsamentu 1.3 milloens dolares Amérika.

Tempotimor (Dili) – Diretór Ezekutivu Asia Justice And Rights (AJAR), José Luis Oliveira, Kinta (25/07/19) hato'o ninia sentimentu tristeza bainhira haree lider nasionál sira nia unidade mihis ba bebeik.

Tempotimor (Dili) – Universidade Nasionál Timor Lorosa’e (UNTL) koopera ho UN Women desimina informasaun ba estudante sira kona-ba prosesu utilizasaun dadus ho estatistika, hodi monitoriza ba dezenvolvimentu sustentavél iha Timor-Leste.

Tempotimor (Dili) – Peskiza ne'ebé Plan Internasional Timor-Leste (PITL) halo, hatudu katak feto foinsa’e Timor-Leste ne'ebé kaben sedu iha tinan 2018 mak 19%.

Tempotimor (Dili) - Ministru Saúde (MS) ein ezersisu, Bonifácio dos Reis hatete, atu apoiu Fundasaun Klinika Bairro-Pite, sei hein Orsamentu Jerál Estado (OJE) 2019.

Tempotimor (Dili)- Prezidente Parlamentu Nasionál, Arão Noé Amarál, fiar Prezidente Repúblika, Francisco Guterres 'Lú Olo, foti desizaun lalais ba lei haat no rezolusaun ida.

Tempotimor (Dili) – Ministru Defeza no Seguransa (MDS), Filomeno de Jesus da Paixão ezije ba Ministériu Públiku no tribunál atu koopera ho parte Defeza Seguransa.   

Ezijensia ne'e relasiona ho kazu krime barak, ne'ebé bainhira to'o iha Ministériu Públiku (MP) no tribunál ba suspeitu sira, MP no tribunál kondena ho Termus Identidade Rezidénsia (TIR) de'it.     

“Bainhira PNTL ho FDTL kaer suspeitu, entrega ba MP no Tribunál. Ikus mai, sira fó de'it Termus Identidade Rezidénsia (TIR). Depois, bainrua ka baintolu kaer filafali ona," Paixao hatete ba jornalista iha Palásiu Governu, Kuarta (24/07/2019). 

 MDS husu parte hotu atu servisu integradu no koordenadu para bele efetivu. "Se husu polísia no forsa halo esforsu kaer ema, depois ba fatin seluk nia hetan TIR. Depois nia ba pasiar la'o lakon tiha. Depois nia mosu fali halo tan. Depois ami kaer, ami kaer beibeik hodi halo saida? Di'ak liu husik oho malu de'it ona. Oho malu ona mak ba foti hakoi," nia dehan. 

Tuir MDS Filomeno Paixão katak Polísia no F-FDTL hala'o knaar ona, maibé MP no tribunál tenke koopera. "Ate agora, imi hotu haree. Ida ne'ebé mak polísia la halo? Entaun, nia sala iha ne'ebé? Labele husu de'it ba polísia. Labele husu de'it interior. Labele husu de'it defeza. Husu mós ba iha Ministériu Públiku no tribunál. Tanba bainhira ami kaer, ami haruka ba sira," Filomeno Paixão hatete.

Tempotimor (Dili) - Ministra Finansas ein ezersisiu Sara Lobo Brites relata, hahú husi fulan Marsu to'o Jullu, Governu konsege ezekuta ona Orsamentu Jerál Estadu (OJE) 2019 to'o ona 45%.