Bonifácio informa ba jornalista, Kuarta (24/07/19) hatán ba ezijensia Fundasaun Klinika Bairro-Pite ne'ebé to'o ohin loron iha hela krize finanseiru. 

MS ein ezersisu ne'e rekoñese, klinika Bairro-Pite nu'udar klinika ida ne'ebé apoiu komunidade Timor-Leste barak. "Nune'e, atu apoiu ba klinika refere depende ba OJE 2020," nia afirma. 

Iha 2018, tuir Bonifácio, MS mós fó apoiu. "Iha tinan kotuk ba mós, Governu sempre apoiu. Mas, iha tinan ida ne'e, orsamentu la sufisiente. Tanba ida ne'e, ami la tau ba," dehan Ministru Saúde Interinu ne'e. 

Alende apoiu klinika Bairro-Pite, durante ne'e MS mós apoiu ba Sentru Saúde hirak ne'ebé mak iha sidade Dili laran, hanesan: Sentru Saúde Comoro, Vera-Cruz, Becora nomós Bairro Formosa," tenik Bonifácio. 

Nia afirma, Governu iha hanoin no tau mós prioridade. Tan ne'e, haree ba orsamentu tinan 2020 nian sufisiénte bele apoiu nafatin.