Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
Tempotimor (Díli)-Primeiru Ministru (PM), Taur Matan Ruak, promente ona katak sei monta militár iha fronteira molok termina nia mandatu hanesan Primeiru Ministru iha Governu daualu.
Tempotimor (Dili)-Bankada Congresso Nacionál de Reconstrução de Timor (CNRT) kontra intensaun Prezidente Parlamentu Nasionál (PN), Aniceto Longuinhos Guterres Lopes, hodi adia Eleisaun Prezidensia Republika ne’ebé sei akontese iha tinan 2022.
Tempotimor (Dili)-Prezidente Repúblika (PR), Francisco Guterres 'Lú Olo', promulga ona alterasaun daruak ba dekretu lei suplementu remuneratóriu ba servisu liña frente.
Tanba traballadór sira iha liña frente tenke hala’o sira-nia atividade profisionál iha servisu prevensaun no kontrolu Covid-19 no iha situasaun risku hetan kontájiu husi vírus kauza moras Covid-19.
Uluk liu, Prezidente Repúblika promulga Dekretu-Lei ho númeru 17/2020, iha 30 abril, hodi fó direitu ba traballadór liña frente atu idaidak simu mós suplementu remuneratóriu ida, ho efeitu husi marsu 2020 no iha setembru 2020, Dekretu-Lei ne’e hetan alterasaun dahuluk.
"Proposta alterasaun daruak ba Diploma ne’ebé hetan promulgasaun horseik, 23 agostu 2021, husi Prezidente Repúblika Francisco Guterres Lú Olo, fó-hatene katak pagamentu suplementu remuneratóriu relasiona ho Covid-19, ne’ ebé hahú iha marsu 2020 sei implementa to’o dezembru 2021 bainhira OGE 2021 mós remata. Karik presiza hatutan suplementu ne’e ba tinan 2022, presiza iha fali Dekretu-Lei foun ida", haktuir liuhusi komunikadu imprensa ne'ebé www.tempotimor.com asesu iha tersa (24/08).
Osan ba selu suplementu ne’e hasai husi Fundu Covid-19 ne’ebé hari’i iha Timor-Leste liuhusi lei n°2/2020, 6 abril.
Ho alterasaun ne’ e, traballadór sira ne’ ebé servisu iha servisu Administrasaun direta ka indireta Estadu nian no hala’o kna’ar iha risku laran relasiona ho Covid-19 husi marsu 2020, bainhira hatudu prova dokumentál, iha direitu atu hetan pagamentu suplementu remuneratóriu ba kada loron servisu efetivu ne’ebé halo tiha ona.
Ho objetivu atu proteje direitu adkiridu husi traballadór sira iha liña frente husi kedas marsu 2020 mak Prezidente Repúblika veta diploma kona-ba Suplementu Remuneratóriu ne’ebé Governu hato’o iha fulan-jullu 2021.
Dekretu-Lei ida ne’e akomoda hotu ona preokupasaun ne’ebé Prezidente Repúblika hato’o ba Governu liuhusi mensájen iha 24 juñu 2021.
Nune'e dekretu-Lei hetan ona aprovasaun husi Konsellu Ministrus iha 4 agostu, Governu haruka mai Prezidénsia iha 11 agostu 2021 no Prezidente Repúblika promulga iha 23 agostu 2021. (*)
Tempotimor (Díli)-Primeiru Ministru (PM), Taur Matan Ruak, agradese ba ba Sosiedade Sivíl (SS) ne’ebé kontribui hodi hadi’a sistema rezultadu kona-ba pandemia Covid-19 nian iha Timor-Leste (TL).
Tempotimor (Dili)-Bankada Congresso Nacional de Reconstrução de Timor (CNRT) iha Parlamentu Nasionalál (PN) deskonfia ekipa husi Ministériu Saúde (MS) ne’ebé ba hala’o vizita iha Munisípiu Ermera, konsege lori variante delta mai Sidade Dili.
Tempotimor (Díli)-Primeiru Ministru (PM), Taur Matan Ruak hatete, nia parte husu ho haraik-an ba deputadu sira iha Parlamentu Nasionál atu konsidera roposta renovasuan ba Estadu emerjensia ba dala XVII iha periodu foun ho medida sira.
Tempotimor (Dili)-Finalista husi Universidade Nasional Timor-Lorosa'e (UNTL) hamutuk nain 349 sei tuir graduasaun prezensiál iha loron sesta, (27/08/2021).
Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, iha komemorasaun loron konsulta populár ba dala-22 (30/08/1999-30/08/2021) husu Timoroan hotu atu fó liman ba malu servisu hamutuk hodi dezenvolve nasaun.
Tempotimor (Dili)-Prezidente Komisaun A (trata asuntu Konstitusionál no Justisa), deputadu Joaquim dos Santos hatete, komisaun A sei haruka relatóriu no paresér kona-ba diskusaun espesialidade projetu-lei eleitorál munisipál ba meza Prezidente Parlamentu Nasionál (PN) atu ajenda ba diskusaun finál globál.
Tempotimor (Dili)-Diretór Ezekutivu Centro Estudos Para a Paz e o Desenvolvimento (CEPAD), João Boavida, krítika Partidu Polítiku (ParPol) ne'ebé buka votu durante situasaun Estadu Emerjénsia, tanba kontra regra prevensaun Covid-19 no medida hodi halibur ema barak iha atividade konsolidadaun.
.