Login to your account

Username *
Password *
Remember Me

40% Populasaun Atsabe Moris Vulneravél

Administradór Postu Atsabe Manuel Soares Araújo ko'alia hela ho jornalista www.tempotimor.com iha Atsabe. Segunda (21/9). Administradór Postu Atsabe Manuel Soares Araújo ko'alia hela ho jornalista www.tempotimor.com iha Atsabe. Segunda (21/9). Foto Tempo Timor

Tempotimor (Atsabe)-Populasaun Postu Administrativu Atsabe, Munisípiu Ermera, ne'ebé ho totál 25.197 abitantes iha 40% mak vulneravél tanba laiha ona forsa atu halo servisu. Administradór Postu Atsabe, Manuel Soares Araujo katak, populasaun Atsabe maiória moris agrikultura.

"Populasaun Atsabe maiória halo toos no fila liman. Entaun, ami identifika katak kuaze 40% mak vulneravél, tanba hela iha suku no aldeia ne'ebé izoladu liu, maibé pursentu 60% moris di'ak hotu," dehan nia, ba www.tempotimor.com, Segunda (21/9).

Nia afirma, alende husi kondisaun populasaun Atsabe nian, iha mós difikuldade boot ida ne'ebé sai mós problema ba povu Atsabe mak estrada.

"Estrada husi nasionál ba munisípiu di'ak, maibé husi munisípiu ba Atsabe araska loos. Depois iha suku sira ne'e kuandu bai-loron ne'e movimentu transporte di'ak, maibé tempu udan movimentu transporte arraska oituan," nia dehan.

Alende husi kondisaun povu no estrada ninian, Atsabe mós la'ós hela liu iha kotuk kona-ba saúde no edukasaun nian, maibé iha setór rua ne'e di'ak oituan.

"Kona-ba sentru saúde di'ak, tanba suku hitu mak iha hotu ona, maibé suku lima mak seidauk. Depois kona-ba edukasaun nian di'ak, tanba eskola husi pre-eakolár to'o sekundária iha hotu suku sira iha postu Atsabe," katak nia.

Entretantu, postu administrativu Atsabe hola parte iha Munisípiu Ermera ne'ebé kompostu husi suku 12, aldeia 59 ho nia totál populasaun 25.197 kompostu husi xefe familia 5.296 no estrada ne'ebé liga husi kapitál munisípiu Ermera ba Atsabe kilometru hamutuk kilometru 60 no kilometru 15 mak di'ak, maibé kilometru 45 ladún di'ak.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter